«Dóńgelek ústelge» ZOOM platformasy arqyly qatysqan jýrnalister kókeidegi suraqtaryn qoiýǵa umtylǵan sátte sharany uiymdastyrýshylar mikrafondy óshirip, jýrnalister qaýymnyń «aýyzyn jaýap» tastapty.
Eger sharany uiymdastyrýshylar shynymen de Semei qalasynyń taǵdyryna jandary ashysa, basqosýǵa jergilikti bilik oryndarynyń ókilderin shaqyryp, ortaq máseleni birlesip talqylaýy kerek edi. Ókinishke orai, sharadan konstrýktivti dialog qurýdy jaqtaýshylar bolmaǵan. Bul ashy da bolsa shyndyq.
Bir sózben aitsaq Semeide alaýlatyp, jalaýlatyp ótken «dóńgelek ústelge» ózderiniń jumysyn durys júrgize alamaǵan, memlekettiń satyp alýlarda «joly bolmaǵan» biraz adam qatysyp, ókpelerin aityp, sher tarqatty desek bolady. Osylaisha olar jergilikti bilik oryndarynyń jumysyn iske alǵysyz qylyp, barynsha qaralaýǵa tyrysyp baquan.
Basqaosýda o bastaǵy reglamenti boiynsha árbir baiandamashydan keiin jiynǵa qatysýshylardyń suraq qoiýyna qaqysy bar edi. Biraq qalanyń damýynan buryn ózderiniń bas paidasyn kúittegen top jiyn barysynda bir-birine múlde suraq qoiǵan joq.
Aitpaqshy, «Semei tańy» gazetiniń jýrnalisti Riza Moldasheva ZOOM arqyly «Qalanyń damýyna qatysty mańyzdy basqosýǵa eń qurmaǵanda máslihat depýtattaryn shaqyrmadyńyzdar?» dep suraq qoiǵanda onyń mikrafonyn dereý óshirip, suraǵyn jaýapsyz qaldyrdy. Budan keiin jýrnalisterdiń saýal qoiýǵa tipti múmkindigi bolmady. Tek «dóńgelek ústeldi» baqylaýshy retinde qatysty.
Aita ketýimiz kerek basqosýdy uiymdastyrýshylar Semei qalasyndaǵy ózekti máselelerdi talqylap qana qoimai, sonymen qatar olardy oń baǵytta sheshý joldaryn da usynatyndaryn o basta aitqan edi. Ókinishke orai, sharany syrttai baqylaǵan jýrnalister ókpeshil toptyń ózekti máselelerge qatysty kókeige qonatyndai áńgime aitpaǵanyn baiqady. «Dóńgelek ústelge» qatysýshylar bir aýyzdan kelsip alǵandai... jergilikti bilik oryndaryn armansyz synap, qara boiaýdy qalyńdata jaǵaýǵa kúsh saldy.
Aitalyq, Semeidegi qatty turmystyq qaldyqtardy tastaityn poligonnyń qazirgi direktory qalada Eýropalyq qaita qurý jáne damý banky usynǵan poligonǵa uqsamaityn basqa poligon salý kerek dep usynys aitqan boldy. Biraq jinalǵan qaýym «jańa poligon qandai bolýy kerek» dep suraq qoiyp, bul máseleni talqylaǵan joq. Osy tusta óz múddesin kóksegen adamdarǵa eshqandai joba unamaitynyn anyq ańǵarǵandai boldyq.
Budan keiin DSÝ-14 mekemesiniń jetekshisi Aleksandr Fedosov Semei qalasyn bylai qoiyp, oblystaǵy memlekettik satyp alýlardyń bári bir kózden uiymdastyrylatynyn aityp, syn aitty. Sondai-aq ol Semei qalasyndaǵy qurylys nysandaryn «Firma AZIIa» qurylys kompaniiasy salyp jatqanyna narazy ekenin de jetkizdi.
Fedosov myrzanyń DSÝ-14 mekemesiniń ótken jyly tekserý júrgizilgende kóptegen zańbuzýshylyqtar anyqtalǵan-dy. Endi zańdy belden basqan mekemeniń basshysy qoǵam aldyndaǵy aiybyn sezinbei, ózine básekeles kompaniiany qaralap, jurt aldynda bedel jinaýǵa kóshkenin kórgende tańqaldyq. Fedosov myrza sóz qylǵan «Firma AZIIa» qurylys kompaniiasy Semei qalasynda Qaraǵaily aýdanynda sapaly kópqabatty turǵyn úiler salyp, qala turǵyndarynyń alǵysyna ie bolǵan bolatyn.
Iá, búginde Semei qalasyndaǵy iadrolyq meditsina ortalyqtyń máselesi kúrdeli kúiinde qalyp otyrǵany ras. Osy máseleni sheshý úshin úkimettik komissiia qurylyp, is sottyń barlyq etaptarynan ótip, eń sońynda ortalyq qurylysy qoiylǵan talaptarǵa sai salynbaǵynan, qyzmetkerlerdiń ómirine qaýipti ekenin alǵa tartyp, ortalyqtyń qurylysyna demontaj jasaý kerektigin jaiynda sheshim shyǵarǵan bolatyn. Ony B.Sapievtyń bilmeýi múmkin emes.
Talapqa sai salynbaǵyn ortalyqqa oblys qalaisha qymbat meditsinalyq tehnikalar satyp alatyny túsiniksiz. Sapiev myrza sol jaǵyn nege ashyp aitpaǵany túsiniksiz kúiinde qaldy.
Osylaisha Semei tórinde uiymdastyrylǵan «dóńgelek ústel» jergilikti bilik oryndaryna tisin qairap júrgen biraz kásipker men belsendilerdiń armansyz sher tarqatýyna ainalyp ketti. Iá, Semei qalasynda túiini tarqamaǵan máseleler bar. Ókinishke orai, «dóńgelek ústelden» sol máselelerdi sheshýge qatysty kókeige qonymdy birde-bir áńgime aitylǵan joq.
