سەمەيدە شىرشا بەزەندٸرەمٸن دەپ بيٸكتەن قۇلاپ, اۋىر جاراقات العان مۇعالٸمنٸڭ ەيەلٸ بيلٸكتەن ٶتەماقى تالاپ ەتتٸ, دەپ حابارلايدى Dalanews.kz.
مۇعالٸمنٸڭ جارى سىمبات ايانقىزى كتك تەلەارناسىنا ناۋقاستىڭ ەلٸ جارتى جىل ەم الۋى قاجەت ەكەنٸن جەتكٸزدٸ.
ونىڭ ايتۋىنشا, 23 جاستاعى مۇعالٸم قۋات ايتقالي ٶزدٸگٸنەن جٷرٸپ-تۇرا المايدى. سوندىقتان ونى كٷتٸپ, قاراۋ ٷشٸن دە بٸر ادام قاسىندا وتىرۋى قاجەت.
“دەرٸگەرلەر ونىڭ ميىنا قۇيىلعان قاندى توقتاتىپ, سىنعان باس سٷيەگٸنٸڭ جارتىسىن الىپ تاستاعان. ەندٸ ەكٸ ايدان كەيٸن ونىڭ ورنىنا پلاستماسسا سالۋ ٷشٸن قايتا وتا جاسالادى.
جەبٸرلەنۋشٸنٸڭ ەيەلٸ ۇستازدارعا شاھار باسشىسىنىڭ ورىنباسارى مەن بٸلٸم بٶلٸمٸنٸڭ باسشىلارى شىرشانىڭ باسىنا شىعۋعا بۇيرىق بەرگەنٸن ايتادى. سەمەيدەگٸ باس شىرشانى بەزەندٸرۋگە بارلىعى ون مەكتەپتٸڭ مۇعالٸمدەرٸ جۇمىلدىرىلعان ەكەن”, — دەيدٸ كتك تەلەارناسى.
مۇعالٸمنٸڭ ەيەلٸ قاعاز جٷزٸندە بولماسا دا, بۇيرىق اۋىزشا بەرٸلگەنٸ انىق دەپ وتىر. ەندٸ تەرگەۋ اياقتالعان سوڭ ادۆوكات جالداپ, ٶتەماقى تالاپ ەتۋ ٷشٸن سوتقا جٷگٸنبەك.
“بٸز بارلىعىن زاڭ جٷزٸندە ٸستەپ جاتىرمىز. قازٸر 362-باپتىڭ تٶرتٸنشٸ تارماعى بويىنشا قىلمىستىق ٸس قوزعالدى. تەرگەۋ جٷرٸپ جاتىر. بارلىعىنان سۇراق الىنىپ جاتىر. ەندٸ الداعى ۋاقىتتا سوت ەدٸل ٶتەدٸ دەگەن شەشٸمدەمٸز. تەرگەۋ قالاي بٸتەدٸ, كٸمدٸ كٸنەلٸ قىلادى, بٸز سولارعا ارىز جازىپ, بەرٸن سوتپەن شەشەمٸز”, – دەيدٸ سىمبات ايانقىزى.
ايتا كەتەيٸك, 9 قاڭتاردا اۋىر جاراقات العان سەمەيلٸك مۇعالٸم قۋات ايتقاليەۆتىڭ اۋرۋحانادان شىققانى تۋرالى جازعان ەدٸك.
وقۋ-اعارتۋ مينيسترٸ عاني بەيسەمباەۆتىڭ ايتۋىنشا, قازٸرگٸ ۋاقىتتا مۇعالٸمگە ٶتەماقى تٶلەۋ مەسەلەسٸ قاراستىرىلىپ جاتىر.
ەسكە سالايىق, بۇعان دەيٸن سەمەيدە جاڭا جىلدىق شىرشانى بەزەندٸرۋ كەزٸندە مۇعالٸم بيٸكتەن قۇلاپ, اۋىر جاراقات العان ەدٸ.
وقۋ-اعارتۋ مينيسترٸ عاني بەيسەمباەۆ Facebook-تەگٸ پاراقشاسىندا اتالعان وقيعاعا بايلانىستى وبلىس باسشىلىعى ەدٸل ەرٸ جان-جاقتى تەكسەرۋ جٷرگٸزۋ كەرەك ەكەنٸن ايتقان بولاتىن.
"سەمەي قالاسىندا مۇعالٸمدەردٸ جاڭاجىلدىق شىرشانى بەزەندٸرۋگە تارتۋ جەنە ەرٸپتەسٸمٸزدٸڭ وسى ٸس بارىسىندا جاراقات الۋى — زاڭ بۇزۋشىلىقتىڭ ايقىن كٶرٸنٸسٸ. پەداگوگتەردٸ كەسٸبي مٸندەتتەرٸنە جاتپايتىن مۇنداي جۇمىستارعا تارتۋ — «پەداگوگ مەرتەبەسٸ تۋرالى» زاڭدى ٶرەسكەل بۇزۋ دەپ سانايمىن. بۇل وقيعاعا بايلانىستى وبلىس باسشىلىعى ەدٸل ەرٸ جان-جاقتى تەكسەرۋ جٷرگٸزٸپ, الداعى ۋاقىتتا مۇنداي كەلەڭسٸزدٸكتەردٸڭ قايتالانۋىنا جول بەرمەۋ ٷشٸن تيٸستٸ شارالار قابىلدايدى دەپ ٷمٸتتەنەمٸن", — دەپ جازدى ول.
