سەمەي قالاسىندا ابايدىڭ 180 جىلدىعىنا ارنالعان «سۇلۋ سىردان - ۇلى اباي ەلٸنە» اتتى قىزىلوردا وبلىسىنىڭ ٶنەر كٷندەرٸ ٶتتٸ, دەپ حابارلايدى Dalanews.kz
وبلىس ەكٸمٸ نۇرلىبەك نەلٸباەۆ باستاعان دەلەگاتسييا قۇرامىندا پارلامەنت سەناتى مەن مەجٸلٸسٸنٸڭ دەپۋتاتتارى ن.بايقاداموۆ, ر.رٷستەموۆ, م.ەرگەشباەۆ, وبلىستىق ارداگەرلەر كەڭەسٸنٸڭ تٶراعاسى س.دٷيسەنباەۆ, ايماق ارداگەرلەرٸ, زييالى قاۋىم ٶكٸلدەرٸ, تۇرماعامبەت اتىنداعى حالىق اسپاپتار, سيمفونييا وركەسترلەرٸ, «سىر سامالى» ۆوكالدى-اسپاپتى, «توميريس» بي انسامبلدەرٸ, حور ۇجىمى, باسقا دا ٶنەرپازدار بار.
الدىمەن سەمەيدەگٸ اباي اتىنداعى تەاتردا «سىر ٶڭٸرٸ – تٷركٸ ٶركەنيەتٸنٸڭ التىن بەسٸگٸ» اتتى كٶرمە اشىلدى. ونى قىزىلوردا وبلىسىنىڭ ەكٸمٸ نۇرلىبەك نەلٸباەۆ, اباي وبلىسىنىڭ ەكٸمٸ بەرٸك ۋەلي ارالاپ كٶردٸ.
قىزىلوردا وبلىستىق تاريحي-ٶلكەتانۋ مۋزەيٸ قورىنداعى قۇندى جەدٸگەرلەردەن جاساقتالعان كٶرمە 3 بٶلٸمنەن تۇرادى.
ونداعى «شٸرٸك رابات ساق جاۋىنگەرٸ», «سىعاناق حانشايىمى», «تٷگٸسكەن كٶسەمٸ», «جەتٸاسار اقسٷيەك ەيەلٸ» ارحەولوگييالىق رەكونسترۋكتسييالارى ارحەولوگييالىق-ەتنوگرافييالىق ەكسپەديتسييالار كەزٸندە تابىلعان جەدٸگەرلەردٸ نەگٸزگە الىپ جاسالعان.
كەلۋشٸلەر نازارىنا ارحەولوگييالىق التىندار كوللەكتسيياسى, اتاپ ايتقاندا شٸرٸك رابات جەنە بەبٸش مولا قالاشىقتارىنان تابىلعان التىن جاپسىرمالار, سىعاناق قالاشىعىنان تابىلعان التىن سىرعالار, تۇمار, تٷيمەلەر جەنە مارجان مونشاقتاردىڭ تٷپنۇسقا كوللەكتسيياسى ۇسىنىلدى. جانكەنت, اساناس, قىشقالا, سىعاناقتان ت.ب. تابىلعان تەرراكوتالار, گلازۋرلٸ قاپتامالار, قىش ىدىستار جەنە بيدايىقاسار قالاشىعىنان تابىلعان قوسساز دومبىرا كٶشٸرمەسٸ دە اباي ەلٸ تۇرعىندارىنىڭ قىزىعۋشىلىعىن تۋعىزدى.
كٶرمەگە قويىلعان زەرگەرلٸك بۇيىمدار كوللەكتسيياسىنىڭ تاريحى باي. سىر بويىنىڭ قازاق ەيەلدەرٸ تاعىنعان كٷمٸس ەشەكەيلەردٸڭ, ياعني ٶڭٸرجيەك, جىرعا, القانىڭ, تۇتىنعان اعاش جيھازدارىنىڭ, ىدىستاردىڭ, تەرٸ بۇيىمدارىنىڭ, ەر قارۋى بولعان قىلىش, ايبالتا, سەمسەر, شوقپار, نايزا, قالقان, جەبەنٸڭ قۇندىلىعى جايىندا بٸلگٸسٸ كەلەتٸندەر قاتارى كٶپ بولدى.
سونداي-اق, تٷركٸ دٷنيەسٸنٸڭ ۇلى ابىزى قورقىت اتانىڭ «دەدە قورقىت» كٸتابىنىڭ درەزدەن نۇسقاسى, نار قوبىز, يۋنەسكو سەرتيفيكاتى, كەدەسىيلار, ٷش جٷزدٸڭ پٸرٸ بولعان مارال يشاننان جەتكەن كٶك اسا, مارال بابانىڭ وققاعارى بولعان تەجٸگە تيەسٸلٸ كەرەي ەرٸنٸڭ تٷپنۇسقاسى, قالقاي يشان, سەردالى بەكشورين, ەر سەيتپەنبەت, بۇقارباي باتىر پايدالانعان مٶرلەردٸڭ كٶشٸرمەلەرٸ دە كٶرمە تٶرٸنەن ورىن العان.
سەمەيلٸكتەر ابايدىڭ 1922 جىلى جارىق كٶرگەن ٶلەڭدەر جيناعىنىڭ, قىزىلوردانىڭ قازاق اكسر-ٸنٸڭ استاناسى بولعانىنا 100 جىل تولۋىنا وراي فوتو جەنە ارحيۆتٸك قۇجاتتاردىڭ قىر-سىرىنا قانىقتى.
