جۇمىسپەن قامتۋ جول كارتاسى – رەسپۋبليكانىڭ ينفراقۇرىلىمدىق نىساندارىن سالۋ، جوندەۋ جانە جاڭعىرتۋ جونىندەگى جوبالارىن ىسكە اسىرعاندا جاڭا جۇمىس ورىندارىن اشۋ ارقىلى ازاماتتاردى جۇمىسقا ورنالاستىرۋ ماسەلەلەرىن شەشۋگە باعىتتالعان ءتيىمدى شارا.
وسى باعدارلاما اياسىندا شىعىس قازاقستان وبلىسى بويىنشا 9 ينفراقۇرىلىمدىق جوبادا تۇراقتى جۇمىس ورىندارىن اشۋ كوزدەلگەن، ونىڭ تورتەۋى سەمەي قالاسىنا تيەسىلى.
باقىتجان باياحمەتوۆ «ستەپنوي كەنتىنە 300 ورىندىق ورتا مەكتەپ سالۋ» جوباسىنىڭ جۇمىستارى بيىل جەلتوقسان ايىنا دەيىن جالعاساتىنىن حابارلادى.
«رك-3 «تەپلوكوممۋنەنەرگو» مكك-ن قايتا جاڭارتۋدىڭ «3-كەزەگى» جوباسى بويىنشا ازاماتتاردى جۇمىسپەن قامتۋ 2022 جىلى ىسكە اسىرىلادى. جۇمىسپەن قامتۋدىڭ جول كارتاسى اياسىندا بولىنگەن قارجىعا مەردىگەرمەن قوسىمشا كەلىسىم جاسالعان.
اكىمنىڭ ايتۋىنشا، «حولودنىي كليۋچ كەنتىنىڭ سۋ قۇبىرى جەلىسىن قايتا سالۋ جانە كەڭەيتۋ» جوباسى جاقسى دامىپ كەلەدى جانە ازاماتتار جۇمىسپەن قامتاماسىز ەتىلگەن.
بۇگىنگى تاڭدا جۇمىس كولەمى 29%-عا ورىندالدى، سالىنعان 10 كيلومەتردەن استام سۋ قۇبىرى جەلىسى 40 ۇيگە جەتكىزىلگەن. سونداي-اق، 125 باقىلاۋ قۇدىقتارى ورناتىلدى. بارلىق جۇمىس بيىل 1-قازانعا دەيىن اياقتالۋى ءتيىس.
ەرتىس وزەنىنىڭ جاعالاۋىن نىعايتۋ (بەيبىتشىلىك ارالى، ميرنىي، ۆوستوچنىي كەنتتەرى جانە پريستان)» جوباسىنىڭ قۇرىلىس جۇمىستارى بيىل 12-شىلدەدە باستالدى. بۇگىنگى تاڭدا مەردىگەر كومپانيا قاجەت ماتەريالدارعا، سونىڭ ىشىندە كولەمى 2ح6 بولاتىن جول پليتالارىنا تاپسىرىس بەردى. جۇمىستار بيىل جەلتوقسان ايىندا اياقتالادى.
بارلىق ءتورت جوبانى ىسكە اسىرۋ بارىسىندا 160 ادام ۋاقىتشا جانە 127 ادام تۇراقتى جۇمىسپەن قامتاماسىز ەتىلدى.
– ماۋسىم ايىندا جۇمىس ورىندارىن قۇرۋ جونىندە كەڭەس وتكىزىلدى. جۇمىس بەرۋشى مەردىگەر كومپانيالارعا «ەلەكتروندىق ەڭبەك شارتتارىن ەسەپكە الۋدىڭ ءبىرىڭعاي جۇيەسى» جانە «ينتەگراسيالانعان كارتا: جۇمىس ورىندارىن قۇرۋ مونيتورينگى» اقپاراتتىق جۇيەسى ارقىلى ينفراقۇرىلىمدىق جوبالارعا جۇمىسقا ورنالاسۋ قاعيدالارى مەن شارتتارى ءتۇسىندىرىلدى. ماسەلە مەنىڭ تۇراقتى باقىلاۋىمدا، – دەدى قالا اكىمى ب.باياحمەتوۆ.
