Semeide «Jumyspen qamtýdyń jol kartasy» sátti júzege asýda
Jumyspen qamtý jol kartasy – respýblikanyń infraqurylymdyq nysandaryn salý, jóndeý jáne jańǵyrtý jónindegi jobalaryn iske asyrǵanda jańa jumys oryndaryn ashý arqyly azamattardy jumysqa ornalastyrý máselelerin sheshýge baǵyttalǵan tiimdi shara.
Osy baǵdarlama aiasynda Shyǵys Qazaqstan oblysy boiynsha 9 infraqurylymdyq jobada turaqty jumys oryndaryn ashý kózdelgen, onyń tórteýi Semei qalasyna tiesili.
Baqytjan Baiahmetov «Stepnoi kentine 300 oryndyq orta mektep salý» jobasynyń jumystary biyl jeltoqsan aiyna deiin jalǵasatynyn habarlady.
«RK-3 «Teplokommýnenergo» MKK-n qaita jańartýdyń «3-kezegi» jobasy boiynsha azamattardy jumyspen qamtý 2022 jyly iske asyrylady. Jumyspen qamtýdyń jol kartasy aiasynda bólingen qarjyǵa merdigermen qosymsha kelisim jasalǵan.
Ákimniń aitýynsha, «Holodnyi kliých kentiniń sý qubyry jelisin qaita salý jáne keńeitý» jobasy jaqsy damyp keledi jáne azamattar jumyspen qamtamasyz etilgen.
Búgingi tańda jumys kólemi 29%-ǵa oryndaldy, salynǵan 10 kilometrden astam sý qubyry jelisi 40 úige jetkizilgen. Sondai-aq, 125 baqylaý qudyqtary ornatyldy. Barlyq jumys biyl 1-qazanǵa deiin aiaqtalýy tiis.
Ertis ózeniniń jaǵalaýyn nyǵaitý (Beibitshilik araly, Mirnyi, Vostochnyi kentteri jáne Pristan)» jobasynyń qurylys jumystary biyl 12-shildede bastaldy. Búgingi tańda merdiger kompaniia qajet materialdarǵa, sonyń ishinde kólemi 2h6 bolatyn jol plitalaryna tapsyrys berdi. Jumystar biyl jeltoqsan aiynda aiaqtalady.
Barlyq tórt jobany iske asyrý barysynda 160 adam ýaqytsha jáne 127 adam turaqty jumyspen qamtamasyz etildi.
– Maýsym aiynda jumys oryndaryn qurý jóninde keńes ótkizildi. Jumys berýshi merdiger kompaniialarǵa «elektrondyq eńbek sharttaryn esepke alýdyń biryńǵai júiesi» jáne «integratsiialanǵan karta: jumys oryndaryn qurý monitoringi» aqparattyq júiesi arqyly infraqurylymdyq jobalarǵa jumysqa ornalasý qaǵidalary men sharttary túsindirildi. Másele meniń turaqty baqylaýymda, – dedi qala ákimi B.Baiahmetov.
