سەمەي قالاسىنىڭ ەكٸمٸ نۇربول نۇرساعاتوۆ قىزمەتٸنەن بوساتىلدى. اتالعان لاۋىزىمعا بەسقاراعاي اۋدانىن باسقارعان تالعات مۇراتوۆ تاعايىندالدى, دەپ حابارلايدى Dalanews.kz.
Buzyq دەرككٶزٸ ەكس-ەكٸمنٸڭ قىزمەتٸنەن بوساتىلۋىنا سەمەيدە بولعان جاعداي سەبەپ بولۋى مٷمكٸن ەكەنٸن العا تارتادى.
“بۇل شەشٸم پەداگوگتاردى ورتالىق الاڭداعى شىرشانى بەزەندٸرۋ جۇمىستارىنا زاڭسىز تارتۋىمەن بايلانىستى بولۋى مٷمكٸن. بۇعان دەيٸن وسى سەبەپپەن قالالىق بٸلٸم بٶلٸمٸنٸڭ باسشىسى دا قىزمەتٸنەن كەتكەن بولاتىن”, — دەدٸ دەرەككٶز.
الايدا اباي وبلىسى ەكٸمدٸگٸنٸڭ باسپاسٶز قىزمەتٸ بۇل اقپاراتتى تەرٸسكە شىعارىپ, نۇربول تٶلەگەنۇلىنىڭ قىزمەتتەن كەتۋٸ شىرشا نەمەسە جاراقات العان مۇعالٸم وقيعاسىمەن ەش بايلانىسى جوق ەكەنٸن مەلٸمدەدٸ. ولار بۇل جاعدايدىڭ تەك سەيكەستٸك ەكەنٸن جەنە ەكٸمنٸڭ جۇمىستان ٶز ەركٸمەن, قىزمەت اۋىستىرۋىنا بايلانىستى كەتكەنٸن اتاپ ٶتتٸ.
ايتا كەتەيٸك, سەمەيدە جاڭا جىلدىق شىرشانى بەزەندٸرۋ كەزٸندە اۋىر جاراقات العان مۇعالٸم ەلٸ دە اۋرۋحانادا جاتىر.
وقۋ-اعارتۋ مينيسترٸ عاني بەيسەمباەۆ Facebook-تەگٸ پاراقشاسىندا اتالعان وقيعاعا بايلانىستى وبلىس باسشىلىعى ەدٸل ەرٸ جان-جاقتى تەكسەرۋ جٷرگٸزۋ كەرەك ەكەنٸن ايتقان بولاتىن.
"سەمەي قالاسىندا مۇعالٸمدەردٸ جاڭاجىلدىق شىرشانى بەزەندٸرۋگە تارتۋ جەنە ەرٸپتەسٸمٸزدٸڭ وسى ٸس بارىسىندا جاراقات الۋى — زاڭ بۇزۋشىلىقتىڭ ايقىن كٶرٸنٸسٸ. پەداگوگتەردٸ كەسٸبي مٸندەتتەرٸنە جاتپايتىن مۇنداي جۇمىستارعا تارتۋ — «پەداگوگ مەرتەبەسٸ تۋرالى» زاڭدى ٶرەسكەل بۇزۋ دەپ سانايمىن. بۇل وقيعاعا بايلانىستى وبلىس باسشىلىعى ەدٸل ەرٸ جان-جاقتى تەكسەرۋ جٷرگٸزٸپ, الداعى ۋاقىتتا مۇنداي كەلەڭسٸزدٸكتەردٸڭ قايتالانۋىنا جول بەرمەۋ ٷشٸن تيٸستٸ شارالار قابىلدايدى دەپ ٷمٸتتەنەمٸن", — دەپ جازدى ول.
بۇل وقيعاعا مەجٸلٸس دەپۋتاتى اسحات ايماعامبەتوۆ تە پٸكٸر بٸلدٸرگەن ەدٸ.
“پەداگوگ مەرتەبەسٸ تۋرالى” زاڭنىڭ 6-بابىندا مۇعالٸمدەردٸ كەسٸبي مٸندەتتەرٸنە جاتپايتىن جۇمىستارعا تارتۋعا قاتاڭ تىيىم سالىنعان. جاڭا جىلدىق شىرشا ورناتۋ, كٶشە تازالاۋ, باسقا دا ناۋقاندارعا مەجبٷرلەپ قاتىستىرۋ سيياقتى ەسكٸ “دەستٷرلەردەن” بٸرجولا باس تارتۋىمىز كەرەك. بۇل – زاڭدى ٶرەسكەل بۇزۋ”, – دەدٸ دەپۋتات.
اسحات ايماعامبەتوۆ وسى جاعدايعا بايلانىستى ناقتى شارالار قابىلداۋ قاجەت ەكەنٸن العا تارتتى:
1. وبلىس باسشىلىعى بۇل وقيعانى مۇقييات تەرگەپ, جاۋاپتى تۇلعالاردى جازالاۋى تيٸس.
2. مۇعالٸمدەردٸ كەسٸبي مٸندەتٸنە جاتپايتىن جۇمىستارعا تارتۋدى توقتاتۋ ٷشٸن مينيسترلٸك باقىلاۋدى كٷشەيتۋٸ قاجەت.
3. بٸلٸم باسقارمالارى مەن مەكتەپ ەكٸمشٸلٸكتەرٸ پەداگوگتاردىڭ قۇقىقتارىن قاتاڭ ساقتاۋ بويىنشا ٶز مٸندەتتەرٸن ورىنداۋى تيٸس.
“مەملەكەت باسشىسى ەردايىم مۇعالٸمدەردٸڭ مەرتەبەسٸن قورعاۋ مەن ولاردىڭ قۇقىقتارىن ساقتاۋ مەسەلەسٸن ەرەكشە نازاردا ۇستاپ كەلەدٸ. بٸزدٸڭ مٸندەتٸمٸز – سول تالاپتاردى ورىنداپ, زاڭنىڭ جۇمىس ٸستەۋٸن قامتاماسىز ەتۋ”, – دەدٸ ايماعامبەتوۆ.
