بٷگٸن وبلىس ەكٸمٸ بەرٸك ۋەلي مەن «China Railway Asia-Europe Construction Investment Co.LTD» كومپانيياسىنىڭ باس ديرەكتورى چجوۋ حايۆەي سەمەي قالاسىن اينالىپ ٶتەتٸن اۆتوجول قۇرىلىسىن جٷزەگە اسىرۋعا باعىتتالعان كەلٸسٸمگە قول قويدى,- دەپ حابارلايدى Dalanews.kz
جوبا قازاق-قىتاي كەسٸپورىندارىنىڭ بٸرلەسكەن كونسورتسيۋمى نەگٸزٸندە بيىلعى تامىز ايىندا باستالىپ, 2028 جىلعا دەيٸن جٷزەگە اسىرىلادى. اتالعان باستاما قازاقستان رەسپۋبليكاسىنىڭ 2030 جىلعا دەيٸنگٸ كٶلٸك-لوگيستيكالىق ەلەۋەتٸن دامىتۋ تۇجىرىمداماسى شەڭبەرٸندە حالىقارالىق قارجى ينستيتۋتتارىمەن بٸرلەسٸپ ٸسكە اسىرىلاتىن ەرەكشە ماڭىزى بار جوبالار تٸزبەسٸنە ەنگٸزٸلگەن.
جاڭا اينالما جولدىڭ سالىنۋى وبلىستىڭ لوگيستيكالىق ەلەۋەتٸن ارتتىرىپ, توعىز جولدىڭ تورابىنداعى سەمەي قالاسىنىڭ كٶلٸك جٷكتەمەسٸن ازايتۋعا مٷمكٸندٸك بەرەدٸ. وبلىس ورتالىعىنداعى اسپالى كٶپٸر ارقىلى جىلىنا 700 مىڭعا جۋىق كٶلٸك ٶتەدٸ.
ايماق باسشىسى وبلىس تۇرعىندارى ٷشٸن اسا ماڭىزدى جوبانىڭ تيٸستٸ جۇمىستارى باستالىپ تا كەتكەنٸن اتاپ ٶتتٸ.
«قازاق-قىتاي كەسٸپورىندارىنىڭ بٸرلەسكەن كونسورتسيۋمى نەگٸزٸندە قول قويىلعان كەلٸسٸمگە ساي بيىل تامىز-قىركٷيەك ايلارىندا جوبانىڭ تەحنيكالىق-ەكونوميكالىق نەگٸزدەمەسٸ جاسالادى. ال قازان, قاراشا ايلارىندا اينالما جولدىڭ الدىن الا جوباسى ەزٸرلەنٸپ, كٶپٸرلەر مەن جول ايىرىقتارى ەكٸمدٸكپەن كەلٸسٸلەدٸ. قاراشا, جەلتوقسان ايلارىندا جۇمىس جوسپارى, قۇرىلىسقا دايىندىق ەكٸمدٸكپەن كەلٸسٸلەدٸ. سودان كەيٸن بارىپ سەمەي قالاسىن اينالىپ ٶتەتٸن اۆتوجول قۇرىلىسى باستالادى. بۇل كەلٸسٸم بٸزدٸڭ ەلدەر اراسىنداعى ۇزاق مەرزٸمدٸ ەرٸ ٶزارا تيٸمدٸ ىنتىماقتاستىقتىڭ نەگٸزٸنە اينالىپ, ەۋرازيياداعى حالىقارالىق كٶلٸك دەلٸزدەرٸنٸڭ دامۋىنا ايتارلىقتاي ٷلەس قوساتىنىنا سەنٸمدٸمٸن», – دەدٸ وبلىس ەكٸمٸ.
ٶز كەزەگٸندە قىتايلىق كومپانييا ٶكٸلدەرٸ جۇمىستى باستاۋعا دايىن ەكەنٸن جەتكٸزدٸ.
«ەكٸ ەل دوستىعىنىڭ ارقاسىندا جٷزەگە اسقان استانا قالاسىنداعى LRT قۇرىلىسىنا قاتىسىپ جاتىرمىز. بٸزدٸڭ كومپانييا بۇل جوباعا بىلتىردان باستاپ ارالاسىپ, بٸرقاتار جاقسى نەتيجەلەرگە قول جەتكٸزدٸك. وسى تەجٸريبەمٸزدٸ سەمەي قالاسىنداعى اينالما جول قۇرىلىسى كەزٸندە ٸسكە اسىرامىز دەپ ويلايمىن», - دەدٸ چجوۋ حايۆەي.
