اباي وبلىسىندا «اگروبيزنەس» جوباسى اياسىندا بولىنگەن بيۋدجەت قاراجاتىن جىمقىرۋ فاكتىسى بويىنشا تەرگەۋ اياقتالدى، دەپ حابارلايدى Dalanews.kz.

اتالعان جوبا فەرمەرلىك شارۋاشىلىقتاردى قولداۋعا باعىتتالىپ، مال شارۋاشىلىعىن جانە اگروبيزنەستى دامىتۋ ءۇشىن جەڭىلدەتىلگەن نەسيەلەر بەرۋدى كوزدەيدى.

تەرگەۋ دەرەكتەرىنە ساي، «ىكىباي» شارۋا قوجالىعىنىڭ باسشىسى جالعان قۇجاتتاردى پايدالانىپ، ءىرى قارامال ساتىپ الۋ ءۇشىن جالپى سوماسى 250 ملن تەڭگەدەن اساتىن ەكى نەسيە العان.

الايدا الىنعان قاراجات مال شارۋاشىلىعىن دامىتۋعا ەمەس، جەكە ماقساتتارعا جۇمسالعان. قۇجاتتاردا كەپىل رەتىندە كورسەتىلگەن مۇلىك پەن مال ءىس جۇزىندە ساتىپ الىنباعان.

مەملەكەتكە كەلتىرىلگەن زالال 211 ملن تەڭگە بولدى.

تەرگەۋ بارىسىندا كۇدىكتى كەلتىرىلگەن زالالدى تولىق كولەمدە وتەدى.

وعان قاتىستى ەلدەن شىقپاۋ جانە ءتيىستى مىنەز-قۇلىق ساقتاۋ تۋرالى بۇلتارتپاۋ شاراسى تاڭدالدى. قىلمىستىق ءىس سوتقا جولداندى.

وزگە مالىمەتتەر ق ر قىلمىستىق-پروسەستىك كودەكسىنىڭ201-بابىنا سايكەس جاريا ەتىلمەيدى.

ايتا كەتسەك، مۇنداي قىلمىستار اگروبيزنەسكە كورسەتىلەتىن مەملەكەتتىكقولداۋعا دەگەن سەنىمدى السىرەتىپ، ادال كاسىپكەرلەردىڭ اۋىل شارۋاشىلىعىن دامىتۋ مۇمكىندىگىن شەكتەيدى. بۇل ءوز كەزەگىندە سالانىڭ تۇراقتىلىعى مەن جالپى ەكونوميكاعا كەرى اسەرىن تيگىزەدى.