Abaı oblysynda «Agrobıznes» jobasy aıasynda bólingen búdjet qarajatyn jymqyrý faktisi boıynsha tergeý aıaqtaldy, dep habarlaıdy Dalanews.kz.

Atalǵan joba fermerlik sharýashylyqtardy qoldaýǵa baǵyttalyp, mal sharýashylyǵyn jáne agrobıznesti damytý úshin jeńildetilgen nesıeler berýdi kózdeıdi.

Tergeý derekterine saı, «Ykybaı» sharýa qojalyǵynyń basshysy jalǵan qujattardy paıdalanyp, iri qaramal satyp alý úshin jalpy somasy 250 mln teńgeden asatyn eki nesıe alǵan.

Alaıda alynǵan qarajat mal sharýashylyǵyn damytýǵa emes, jeke maqsattarǵa jumsalǵan. Qujattarda kepil retinde kórsetilgen múlik pen mal is júzinde satyp alynbaǵan.

Memleketke keltirilgen zalal 211 mln teńge boldy.

Tergeý barysynda kúdikti keltirilgen zalaldy tolyq kólemde ótedi.

Oǵan qatysty elden shyqpaý jáne tıisti minez-qulyq saqtaý týraly bultartpaý sharasy tańdaldy. Qylmystyq is sotqa joldandy.

Ózge málimetter QR Qylmystyq-prosestik kodeksiniń201-babyna sáıkes jarıa etilmeıdi.

Aıta ketsek, mundaı qylmystar agrobızneske kórsetiletin memlekettikqoldaýǵa degen senimdi álsiretip, adal kásipkerlerdiń aýyl sharýashylyǵyn damytý múmkindigin shekteıdi. Bul óz kezeginde salanyń turaqtylyǵy men jalpy ekonomıkaǵa keri áserin tıgizedi.