سٷلەيمەنوۆ سەمەيگە قازٸردەن باستاپ قول ۇشىن سوزباسا, بٸر كەزدەرٸ وبلىس ورتالىعى بولعان قالا ۋاقىت ٶتە قاڭىراپ قالا ما دەپ قاۋٸپتەنەدٸ.
"رەۆوليۋتسيياعا دەيٸن سەمەي قازاق دالاسىنىڭ باس قالاسى بولدى. سول كەزدەگٸ ينتەلەگەنتسييا ٶكٸلدەرٸ وسى شاھارعا جينالدى. الىپتار تۋعان ٶلكە قازاق اقىل-ويىنىڭ ورداسى ەدٸ. الاشوردانىڭ ٶكٸلدەرٸ, سەمەي شاھارىن بولاشاقتا قازاقستاننىڭ استاناسى بولسا ەكەن دەگەن ارمانى بولعانىن جاسىرا المايمىز. الايدا ۋاقىت ٶتە كەلە سەمەي جەرٸ ادام سەنگٸزسٸز قيىندىقتارعا تاپ بولدى", – دەيدٸ اقىن.
سەمەيدٸڭ بٷگٸنگٸ احۋالىنا الاڭداعان اقىن قازاقتىڭ رۋحاني استاناسى 40 جىل بويى يادرولىق سىناق الاڭىنا اينالىپ, استاڭ-كەستەڭٸ شىققانىنا تٸلگە تيەك ەتتٸ. ونىڭ پٸكٸرٸنشە مۇنىڭ زاردابىن بٸر سٶزبەن ايتىپ جەتكٸزۋ ٶتە قيىن. وسى زۇلماتتى توقتاتۋ ٷشٸن سٷلەيمەنوۆ باستاعان بەلسەندٸ توپ "نەۆادا-سەمەي" انتييادرولىق قوزعالىسىن قۇرۋعا مۇرىندىق بولعان.
"مەسكەۋ قالاسىندا سىناقتاردىڭ ادام ٶمٸرٸنە, قورشاعان ورتاعا وراسان زور زاردابىن ايتا كەلە, لەۆ تولستوي ٶمٸر سٷرگەن ياسنايا پوليانا ورىس حالقى ٷشٸن قانداي قىمبات بولسا, الىپتار دٷنيەگە كەلگەن قازاق ٷشٸن دە سەمەي دە رۋحانيياتتىڭ ورداسى ەكەنٸن تٸلگە تيەك ەتتٸم. مٸنە وسىنداي جەردە يادرولىق قارۋدى سىناۋ, پوليگون جاساۋ بۇل ۇلتقا, مەدەنيەتٸمٸزگە, تاريحىمىزعا دەگەن قۇرمەتسٸزدٸك دەپ جەتكٸزدٸم", – دەيدٸ سٷلەيمەنوۆ.
اقىن سەمەيدٸڭ سيقى كەتٸپ, قاتارداعى اۋدان دەڭگەيٸنە تٷسٸپ قالعانىنا قىنجىلىس بٸلدٸردٸ.
"يە, سەمەي يادرولىق پوليگونى جابىلعاندا, قالا وبلىس ورتالىعى بولاتىن. قازٸر اۋدان سيياقتى. بۇل قانداي پروگرەسس? ەكٸ جىل بۇرىن سەمەيدە بولدىم. جايقالىپ تۇرعان شاھاردى كٶرمەدٸم. حالىقتىڭ كٶڭٸل كٷيٸ دە تٷسكەن.
سەمەي بٸزدٸڭ رۋحاني استانامىز ەمەس پە? قالانىڭ ماڭىزدىلىعىن جوعالتپاي, قالپىنا كەلتٸرٸپ, تاريحي ستاتۋس مەرتەبەسٸن بەكٸتۋ كەرەكپٸز. تاريحي ەدٸلدٸك ورناپ, سەمەيدەي شاھاردىڭ قادٸرٸن بٸلەيٸك. كەش قالىپ جٷرمەيٸك. بولاشاعى جارقىن بولسا ەكەن دەيمٸن", – دەيدٸ ول.
