اباي وبلىسىندا پروكۋراتۋرا جالعان ديپلوممەن جۇمىسقا ورنالاسقان «سەمەي ورمانى» موتر قىزمەتكەرلەرىن انىقتادى، - دەپ حابارلايدى Dalanews.kz.
مامانداندىرىلعان تابيعاتتى قورعاۋ پروكۋراتۋراسى جوعارى وقۋ ورىندارىن بىتىرگەنى تۋرالى جالعان ديپلومدارمەن جۇمىس ىستەگەن رەزەرۆاتتىڭ 5 قىزمەتكەرلەرىن، ونىڭ ىشىندە ءبىر فيليال باسشىسىن انىقتادى.
سەمەي قالاسىنىڭ شاكارىم اتىنداعى ۋنيۆەرسيتەتتىڭ مالىمەتىنە سايكەس اتالعان قىزمەتكەرلەرگە ديپلوم بەرىلمەگەن.
وسى فاكتىلەر بويىنشا قك 385-بابىنىڭ 3-بولىگى (جالعان قۇجاتتاردى جاساۋ، دايىنداۋ نەمەسە وتكىزۋ) بويىنشا سوتقا دەيىنگى تەرگەپ-تەكسەرۋلەر باستالىپ، ماتەريالدار پروسەسسۋالدىق شەشىم قابىلداۋ ءۇشىن پوليسياعا جولداندى.
ەسكە سالايىق، بيىل ماڭعىستاۋ وبلىسىندا بىرنەشە پەداگوگ جالعان ديپلوممەن جۇمىس ىستەگەنى انىقتالعان بولاتىن.
"2023 جىلى وبلىس بويىنشا 20 مىڭنان استام پەداگوگتىڭ ديپلومى قۇقىق قورعاۋ ورگاندارىنا تەكسەرۋگە جىبەرىلدى، ناتيجەسىندە 7 پەداگوگتىڭ ديپلومى جالعان بولىپ شىقتى"، - دەيدى ءبىلىم باسقارماسىنىڭ باسشىسى.
"جىل باسىنان بەرى 9 پەداگوگتىڭ ءبىلىمى تۋرالى قۇجاتى راستالمادى. ولار قىزمەتىنەن بوساتىلدى. قازىرگى ۋاقىتتا جوعارى وقۋ ورىندارىنان 7938 پەداگوگتىڭ ديپلومى بويىنشا جاۋاپ كۇتىپ وتىرمىز"، - دەدى دينارا جۇماشيەۆا.
