Abai oblysynda prokýratýra jalǵan diplommen jumysqa ornalasqan «Semei ormany» MOTR qyzmetkerlerin anyqtady, - dep habarlaidy Dalanews.kz.
Mamandandyrylǵan tabiǵatty qorǵaý prokýratýrasy joǵary oqý oryndaryn bitirgeni týraly jalǵan diplomdarmen jumys istegen Rezervattyń 5 qyzmetkerlerin, onyń ishinde bir filial basshysyn anyqtady.
Semei qalasynyń Shákárim atyndaǵy ýniversitettiń málimetine sáikes atalǵan qyzmetkerlerge diplom berilmegen.
Osy faktiler boiynsha QK 385-babynyń 3-bóligi (jalǵan qujattardy jasaý, daiyndaý nemese ótkizý) boiynsha sotqa deiingi tergep-tekserýler bastalyp, materialdar protsessýaldyq sheshim qabyldaý úshin politsiiaǵa joldandy.
Eske salaiyq, biyl Mańǵystaý oblysynda birneshe pedagog jalǵan diplommen jumys istegeni anyqtalǵan bolatyn.
"2023 jyly oblys boiynsha 20 myńnan astam pedagogtyń diplomy quqyq qorǵaý organdaryna tekserýge jiberildi, nátijesinde 7 pedagogtyń diplomy jalǵan bolyp shyqty", - deidi bilim basqarmasynyń basshysy.
"Jyl basynan beri 9 pedagogtyń bilimi týraly qujaty rastalmady. Olar qyzmetinen bosatyldy. Qazirgi ýaqytta joǵary oqý oryndarynan 7938 pedagogtyń diplomy boiynsha jaýap kútip otyrmyz", - dedi Dinara Jumasheva.
