"Semey Bus" ج ش س باسشىسى بۇگىن سوت ورىنداۋشىلارىنا ليزينگتىك اۆتوبۋستاردىڭ كىلتتەرى مەن قۇجاتتارىن تاپسىرماستان، عيماراتتان شىعىپ كەتتى.
ولاردىڭ ەسىكتەرىن اشىپ، ىسكە قوسۋعا ارنايى مامانداردىڭ كومەگىنە جۇگىنۋگە تۋرا كەلگەن. سونداي-اق، ولار اۋماققا ەۆاكۋاتورلاردى دا كىرگىزبەگەن. ولار اپاتتىق جاعدايداعى 70 كولىكتى الىپ كەتۋى كەرەك بولاتىن.
بۇل جاعداي سوت شەشىمىنىڭ ورىندالۋىنا تىكەلەي كەدەرگى كەلتىرىپ وتىر. ەستەرىڭىزگە سالا كەتەيىك، 18 ماۋسىمدا مامانداندىرىلعان اۋدانارالىق ەكونوميكالىق سوت "Semey Bus" جشس-عا ليزينگ زاتتارىن تالاپ ەتۋ تۋرالى "ونەركاسىپتى دامىتۋ قورىنىڭ" تالاپ ارىزىن قاراپ، قاناعاتتاندىرعان ەدى.
كاسىپورىن جاۋاپ رەتىندە اپەللياسيالىق ساتىعا جەكە شاعىم ءتۇسىردى. ءبىراق 10 تامىزدا ازاماتتىق ىستەر جونىندەگى القا ماەس شەشىمىن وزگەرىسسىز قالدىردى.
كومپانيا بىرنەشە رەت اففيلييرلەنگەن كومپانيالاردىڭ كومەگىمەن بانكروتتىق راسىمگە قول جەتكىزۋگە تىرىستى. دەگەنمەن، ولاردىڭ بۇل قادامى ءساتتى بولعانىمەن، اۆتوبۋستاردى قايتارۋعا تۋرا كەلگەن ەدى.
"قارجى ليزينگى تۋرالى" ق ر زاڭىنا سايكەس ليزينگ نىساناسىنا مەنشىك قۇقىعى ليزينگ بەرۋشىدە شارتتىڭ بۇكىل مەرزىمى ىشىندە ساقتالادى. تىيىم سالۋعا جانە تاركىلەۋگە جول بەرىلمەيدى. ال "وڭالتۋ جانە بانكروتتىق تۋرالى" زاڭ بويىنشا بانكروت مۇلكىنە اۋىرتپالىق سالىنادى.
170 اۆتوبۋس "Semey Bus" مەنشىگىندە بولمايدى. سوندىقتان قالعان كولىك قۇرالدارىن قايتارىپ، ليزينگتىك جانە باسقا تولەمدەر بويىنشا قارىزداردى جابۋعا تۋرا كەلەدى.
ەستەرىڭىزگە سالا كەتەيىك، "Semey Bus" جشس-مەن ءبىرقاتار جانجالدارعا بايلانىستى، ءقازىر كاسىپورىن قيىن جاعدايدا، ءتۇرلى ينستانسيالار مەن ءوز قىزمەتكەرلەرىنىڭ الدىنداعى قارىزدار 2،1 ميلليارد تەڭگەنى قۇرايدى.
وسى ۋاقىتقا دەيىن قىزمەتكەرلەرگە زەينەتاقى جانە الەۋمەتتىك اۋدارىمدار جاسالماعان. بۇل تولەمدەردىڭ سوماسى 195 ميلليون تەڭگەنى قۇراسا، وتەلمەگەن سالىق قۇنى 395 ملن تەڭگەگە جەتىپ وتىر.
ەڭ باستى قارىز – بۇل "ونەركاسىپتى دامىتۋ قورى" اق-داعى ليزينگتىك تولەمدەر، 1 ميلليارد 212 ميلليون تەڭگەنى قۇراعان. بۇل قارىز، قوردىڭ تولەمدەردى 8 ايعا كەيىنگە قالدىرۋىنا قاراماستان ورىن الىپ وتىر.
ايتا كەتۋ كەرەك، كاسىپورىندا جالاقى ۇنەمى كەشىكتىرىلىپ وتىردى، بۇل ءوز كەزەگىندە قىزمەتكەرلەردىڭ 12 رەت نارازىلىق اكسياسىنا شىعۋىنا سەبەپ بولدى. ال سوڭعى 2 ايدا "Semey Bus" ج ش س قالالىق باعىتتارداعى قوزعالىستى مۇلدەم توقتاتتى.\
