سەمەيدە قۇرىلىس كومپانيياسى باسشىلارىنا قاتىستى رەزونانستى ٸس بويىنشا ٷكٸم شىقتى, دەپ حابارلايدى dalanews.kz.
2026 جىلعى 12 ماۋسىمدا سەمەي قالاسىنىڭ قىلمىستىق ٸستەر جٶنٸندەگٸ اۋدانارالىق سوتى «Dala-SK» قۇرىلىس كومپانييالارى توبىنىڭ جەتەكشٸلەرٸنە قاتىستى ٷكٸم شىعاردى.
سوتتا ج. مەن ن. 2022 جىلعى قازاننان 2024 جىلعى جەلتوقسانعا دەيٸن ٶسكەمەن قالاسىندا ٷلەستٸك قۇرىلىسقا قاتىسۋشىلاردان زاڭسىز تٷردە 1,5 ميلليارد تەڭگەدەن استام قارجى تارتقانى انىقتالدى.
سوت مەلٸمەتٸنشە, دەل وسىنداي سحەما سەمەيدە دە جٷزەگە اسىرىلعان. اتاپ ايتقاندا, ج. مەن ر. 2023 جىلعى مامىردان 2025 جىلعى ناۋرىزعا دەيٸن ٷلەسكەرلەردەن تاعى 1,5 ميلليارد تەڭگەدەن استام قاراجات جيناعان.
بۇدان بٶلەك, ج. مەن ر. سالىنىپ جاتقان «Irtysh Riverside» تۇرعىن ٷي كەشەنٸنەن پەتەر برونداۋ تۋرالى كەلٸسٸمدەردٸ 13 ازاماتپەن جاساعان. وسى ەپيزود بويىنشا كەلتٸرٸلگەن شىعىن كٶلەمٸ 193 ميلليون تەڭگەدەن اسقان. قازٸرگٸ ۋاقىتتا بۇل شىعىن تولىق ٶتەلگەن.
سوت تالقىلاۋى بارىسىندا ايىپتالۋشىلاردىڭ كٸنەسٸ جەبٸرلەنۋشٸلەر مەن كۋەلاردىڭ جاۋاپتارىمەن, مامانداردىڭ قورىتىندىلارىمەن جەنە ٸس ماتەريالدارىمەن دەلەلدەنگەن.
ال سوتتالۋشىلار ٶز كٸنەلارىن مويىنداماي, ٶزدەرٸن اقتاۋدى نەمەسە باس بوستاندىعىنان ايىرۋمەن بايلانىستى ەمەس جازا تاعايىنداۋدى سۇراعان.
نەتيجەسٸندە سوت ج.-نى كٸنەلٸ دەپ تانىپ, ونى 6 جىل 8 اي مەرزٸمگە باس بوستاندىعىنان ايىرۋ جازاسىنا كەستٸ. سونداي-اق وعان 10 جىل بويى قۇرىلىس سالاسىندا قىزمەتپەن اينالىسۋعا تىيىم سالىندى.
قازاقستان كونستيتۋتسيياسىنىڭ 30 جىلدىعىنا وراي جارييالانعان راقىمشىلىققا بايلانىستى جازا مەرزٸمٸ 5 جىل 4 ايعا دەيٸن قىسقارتىلدى.
م. قازاقستان رەسپۋبليكاسى قىلمىستىق كودەكسٸنٸڭ 214-بابى 2-بٶلٸگٸ 2-تارماعى جەنە 190-بابى 4-بٶلٸگٸ 2-تارماعى بويىنشا 5 جىلعا باس بوستاندىعىنان ايىرىلدى. وعان دا قۇرىلىس سالاسىندا 10 جىل جۇمىس ٸستەۋگە تىيىم سالىندى. راقىمشىلىقتان كەيٸن ونىڭ جازا مەرزٸمٸ 4 جىلعا قىسقاردى.
ال ن. ٶسكەمەندەگٸ ەپيزود بويىنشا قىلمىستىق كودەكستٸڭ 214-بابى 2-بٶلٸگٸ 2-تارماعى بويىنشا كٸنەلٸ دەپ تانىلىپ, 2 جىل 6 اي مەرزٸمگە پروباتسييالىق باقىلاۋمەن باس بوستاندىعىن شەكتەۋ جازاسىن الدى.
اتالعان ەپيزود بويىنشا ماتەريالدىق شىعىن مەن ازاماتتىق تالاپتاردىڭ بولماۋىنا بايلانىستى ن. راقىمشىلىق اكتٸسٸ نەگٸزٸندە قىلمىستىق جاۋاپكەرشٸلٸكتەن بوساتىلدى.
سوتتىڭ باسپاسٶز قىزمەتٸنٸڭ مەلٸمەتٸنشە, جازا تاعايىنداۋ كەزٸندە جەڭٸلدەتەتٸن مەن-جايلار ەسكەرٸلگەن. اۋىرلاتاتىن مەن-جايلار انىقتالماعان.
ٷكٸمدەر ەزٸرگە زاڭدى كٷشٸنە ەنگەن جوق.
سونىمەن قاتار سوت جەبٸرلەنۋشٸلەردٸڭ 11 تالاپ-ارىزىن قاناعاتتاندىرىپ, ج. مەن ر.-دان 149 ميلليون تەڭگەدەن استام قاراجات ٶندٸرٸپ بەرۋ تۋرالى شەشٸم شىعاردى.
جەبٸرلەنۋشٸلەردٸڭ تالاپتارىن ورىنداۋدى قامتاماسىز ەتۋ ماقساتىندا مٷلٸككە سالىنعان تىيىمدار مەن ٶزگە دە شەكتەۋلەر كٷشٸندە قالدىرىلدى.
