سەمەي قالاسىندا تۇرعىن ٷي اۋلاسىندا ٶرتەنگەن اۆتوكٶلٸكتٸڭ شىعۋ سەبەبٸ انىقتالدى. پوليتسەيلەردٸڭ مەلٸمەتٸنشە, ٶرتكە 6 جاستاعى بالانىڭ سٸرٸڭكەمەن ويناۋى سەبەپ بولعان, دەپ حابارلايدى dalanews.kz.
وقيعا 15 شٸلدە كٷنٸ 352-كۆارتالداعى تۇرعىن ٷي اۋلاسىندا بولعان. اۆتوكٶلٸكتٸڭ ٶرتەنٸپ جاتقانى تۋرالى حابار تٶتەنشە جاعدايلار قىزمەتٸنە ساعات 18:05-تە تٷسكەن.
تەكسەرۋ بارىسىندا پوليتسييا قىزمەتكەرلەرٸ بەينەباقىلاۋ كامەرالارىنىڭ جازبالارىن قاراپ, ٶرت شىققانعا دەيٸن كٶلٸكتٸڭ ماڭىندا ٷش كەمەلەتكە تولماعان بالانىڭ جٷرگەنٸن انىقتاعان.
الدىن الا مەلٸمەت بويىنشا, ولاردىڭ بٸرٸ سٸرٸڭكەمەن كٶلٸكتٸڭ جانىنداعى قۇرعاق شٶپتٸ تۇتاتقان. جالىن كٷشەيگەن سوڭ بالالار قورقىپ, وقيعا ورنىنان قاشىپ كەتكەن. بۇل دەرەك كەيٸن ولاردىڭ زاڭدى ٶكٸلدەرٸنەن الىنعان تٷسٸنٸكتەمەلەر كەزٸندە دە راستالعان.
پوليتسييانىڭ مەلٸمەتٸنشە, 6 جاستاعى بالانىڭ اتا-اناسى ٶرتەنگەن اۆتوكٶلٸك يەسٸنە كەلتٸرٸلگەن ماتەريالدىق شىعىندى ٶتەۋگە مٸندەتتٸ بولادى.
