Semei qalasynda turǵyn úi aýlasynda órtengen avtokóliktiń shyǵý sebebi anyqtaldy. Politseilerdiń málimetinshe, órtke 6 jastaǵy balanyń sirińkemen oinaýy sebep bolǵan, dep habarlaidy dalanews.kz.
Oqiǵa 15 shilde kúni 352-kvartaldaǵy turǵyn úi aýlasynda bolǵan. Avtokóliktiń órtenip jatqany týraly habar tótenshe jaǵdailar qyzmetine saǵat 18:05-te túsken.
Tekserý barysynda politsiia qyzmetkerleri beinebaqylaý kameralarynyń jazbalaryn qarap, órt shyqqanǵa deiin kóliktiń mańynda úsh kámeletke tolmaǵan balanyń júrgenin anyqtaǵan.
Aldyn ala málimet boiynsha, olardyń biri sirińkemen kóliktiń janyndaǵy qurǵaq shópti tutatqan. Jalyn kúsheigen soń balalar qorqyp, oqiǵa ornynan qashyp ketken. Bul derek keiin olardyń zańdy ókilderinen alynǵan túsiniktemeler kezinde de rastalǵan.
Politsiianyń málimetinshe, 6 jastaǵy balanyń ata-anasy órtengen avtokólik iesine keltirilgen materialdyq shyǵyndy óteýge mindetti bolady.
