تامىزدىڭ العاشقى ون كٷنٸندە قازاقستان شەكاراسىنان ٸرٸ كٶلەمدە قولما-قول اقشانى دەكلاراتسيياسىز الىپ ٶتپەك بولعان 70 جاعداي انىقتالدى. تەركٸلەنگەن ۆاليۋتانىڭ جالپى قۇنى 645 ملن تەڭگەدەن اسادى, دەپ حابارلايدى dalanews.kz.
ۇقك شەكارا قىزمەتٸنٸڭ مەلٸمەتٸنشە, زاڭبۇزۋشىلىقتار 1-10 تامىز ارالىعىندا ٶتكٸزۋ بەكەتتەرٸندەگٸ باقىلاۋ كەزٸندە تٸركەلگەن. جارييالانعان سۋرەتتەردەن كەيبٸر ازاماتتاردىڭ بۋما-بۋما اقشانى اياقتارىنا وراپ, كيٸمٸنٸڭ استىنا جاسىرعانىن كٶرۋگە بولادى.
ٸرٸ فاكتٸلەردٸڭ بٸرٸ جامبىل وبلىسىنداعى «قورداي» اۆتوموبيل ٶتكٸزۋ پۋنكتٸندە انىقتالعان. شەكاراشىلار شەتەلدٸك ازاماتتىڭ كيٸمٸنٸڭ استىنان جاسىرىلعان 70 مىڭ دوللاردى تاپقان. بۇل شامامەن 32,5 ملن تەڭگەگە تەڭ.
انىقتالعان بارلىق دەرەك بويىنشا ماتەريالدار تيٸستٸ ورگاندارعا جولداندى. ەندٸ ولارعا قاتىستى زاڭ اياسىندا شەشٸم قابىلدانادى.
ايتا كەتەيٸك, قازاقستاننان قولما-قول شەتەل ۆاليۋتاسىن ەكەتۋگە قاتىستى شەكتەۋلەر بار. قولدانىستاعى تالاپتارعا سەيكەس, 10 مىڭ اقش دوللارى بالاماسىنان اساتىن سومالارعا ارنايى تالاپتار قولدانىلادى.
