كٷردەلٸ جاڭعىرتۋ جۇمىستارى اياقتالماي جاتىپ, اينالاسىن قوقىس باسقان سايراننىڭ جاعدايى الماتى ەكٸمٸنٸڭ اشۋىن تۋعىزدى. دارحان ساتىبالدى جاعاجايدى تازارتۋ ٷشٸن مەردٸگەرگە سوڭعى رەت ەسكەرتۋ جاسادى, دەپ حابارلايدى Dalanews.kz.
"كتك" تەلەارناسى مەلٸمەتٸنشە,قالا باسشىسى اپپارات كەڭەسٸنٸڭ وتىرىسىندا سايران كٶلٸنٸڭ سانيتارييا جاعدايىنا ەرەكشە نازار اۋدارعان, قۇقىقبۇزۋشىلارعا باقىلاۋ جٷرگٸزٸپ, قاتاڭ شارا قولدانباعان باسقارمالاردى قاتاڭ سىنعا العان. اۋدان ەكٸمدەرٸنە قالانىڭ پروبلەمالى ۋچاسكەلەرٸن قوقىستان تازارتىپ, بٸتەلگەن ارىقتاردى رەتكە كەلتٸرۋ تاپسىرىلعان.
جاڭعىرتىلىپ جاتقان سايراندا جۇرتتىڭ سۋعا تٷسۋ ماۋسىمى باستالىپ كەتكەن. كٶبٸ ٸشكەن سۋسىنى مەن جەگەن تاماعىنىڭ قالدىقتارىن وتىرعان جەرٸندە تاستاپ كەتەدٸ. سونىڭ سالدارىنان جاعاجايدى قوقىس باسىپ, كٶركٸ كەتە باستاپتى.
ايتا كەتەيٸك, جاساندى كٶل ماۋسىمنان باستاپ پايدالانۋعا بەرٸلەدٸ دەپ جوسپارلانعانىمەن, اباتتاندىرۋ ەلٸ جالعاسىپ جاتىر. پوليتسەيلەر كەشە كٶل جاعاسىندا رەيد ۇيىمداستىرىپ, تۇرعىندارعا ەسكەرتۋ جاساعان.
الدىمەن ولار تٷسٸندٸرۋ جۇمىستارىن جٷرگٸزگەن, ەندٸ جازالاي باستاپتى. قوقىس تاستاعان 20 ادامعا ايىپپۇل سالىنعان. ولار 19,5 مىڭ تەڭگەدەن تٶلەيدٸ.
