Kúrdeli jańǵyrtý jumystary aiaqtalmai jatyp, ainalasyn qoqys basqan Sairannyń jaǵdaiy Almaty ákiminiń ashýyn týǵyzdy. Darhan Satybaldy jaǵajaidy tazartý úshin merdigerge sońǵy ret eskertý jasady, dep habarlaidy Dalanews.kz.
"KTK" telearnasy málimetinshe,qala basshysy apparat keńesiniń otyrysynda Sairan kóliniń sanitariia jaǵdaiyna erekshe nazar aýdarǵan, quqyqbuzýshylarǵa baqylaý júrgizip, qatań shara qoldanbaǵan basqarmalardy qatań synǵa alǵan. Aýdan ákimderine qalanyń problemaly ýchaskelerin qoqystan tazartyp, bitelgen aryqtardy retke keltirý tapsyrylǵan.
Jańǵyrtylyp jatqan Sairanda jurttyń sýǵa túsý maýsymy bastalyp ketken. Kóbi ishken sýsyny men jegen tamaǵynyń qaldyqtaryn otyrǵan jerinde tastap ketedi. Sonyń saldarynan jaǵajaidy qoqys basyp, kórki kete bastapty.
Aita keteiik, jasandy kól maýsymnan bastap paidalanýǵa beriledi dep josparlanǵanymen, abattandyrý áli jalǵasyp jatyr. Politseiler keshe kól jaǵasynda reid uiymdastyryp, turǵyndarǵa eskertý jasaǵan.
Aldymen olar túsindirý jumystaryn júrgizgen, endi jazalai bastapty. Qoqys tastaǵan 20 adamǵa aiyppul salynǵan. Olar 19,5 myń teńgeden tóleidi.
