بۇلاي دەپ تۇركىستان وبلىسىنىڭ اكىمى جانسەيىت تۇيمەبايەۆ ايتقان بولاتىن. شىنىمەن دە سايرام اۋدانى ءوزىنىڭ الەۋمەتتىك-ەكونوميكالىق پوتەنسيالىن ءتيىمدى پايدالانىپ وتىر ما؟ وسى ماسەلەگە كوز جۇگىرتكەندى ءجون كوردىك.

وتكەن جىلى تۇركىستان وبلىسى سايرام اۋدانىندا 58،9 ملرد.تەڭگەنىڭ اۋىل شارۋاشىلىق ءونىمى وندىرىلگەن ەكەن. سونداي-اق، 8،1 گەكتار جەرگە جىلىجاي سالىنىپ، تامشىلاتىپ سۋعارۋ ءادىسى 111 گەكتار جەرگە ەندىرىلدى. ناتيجەسىندە وسىمدىك شارۋاشىلىعىنداعى ءونىم كولەمى 26،4 ملرد. تەڭگەنى قۇراعان.

اۋدان اكىمى باقتيار مامايەۆتىڭ ايتۋىنشا، 2017 جىلى «سىباعا» باعدارلاماسى بويىنشا 280 باس ءىرى قارا مال، «التىن اسىق» باعدارلاماسىمەن 200 باس ۋاق انالىق مال جانە 7 باس اسىل تۇقىمدى قوشقار ساتىپ الىنسا، «قۇلان» باعدارلاماسى ارقىلى 32 باس جىلقى الىنىپ، اۋداندىق كورسەتكىشتەر جوسپارى تولىق ورىندالعان.

– اۋداندا 34 كووپەراتيۆ قۇرىلىپ، كووپەراتيۆتەردىڭ جالپى سانى 45-كە جەتتى. جالپى اۋداندا 103 بىرلىك 10-15 باستىق شاعىن مال بورداقىلاۋ الاڭدارى مەن 41 جانۇيالىق ءسۇت اۋلالارى اشىلدى. وڭىردەگى 887 مال بورداقىلاۋ الاڭدارىندا ءبىر مەزەتتە 31 مىڭ باس مال بورداقىلانۋدا. ناتيجەسىندە مال شارۋاشىلىعىندا 32،5 ملرد.تەڭگەنىڭ ءونىمى ءوندىرىلىپ، 2016 جىلمەن سالىستىرعاندا 9،7 پايىزعا ارتىپ وتىر، – دەدى بۇل رەتتە باقتيار مامايەۆ.

ايتا كەتەيىك، اۋدان ەڭبەككەرلەرى بىلتىرعى جىلى وبلىستا ءسۇت وندىرۋدەن I ورىن، كوكونىس وندىرۋدەن II، ەت، ماقسارى ءوندىرۋ مەن تامشىلاتىپ سۋعارۋ ءادىسىن ەندىرۋدەن III ورىندارعا قول جەتكىزگەن بولاتىن. اۋدان بيىلعى جىلى الدىڭعى قاتاردان كورىندى.