Ótken jyly Túrkistan oblysy Saıram aýdanynda 58,9 mlrd.teńgeniń aýyl sharýashylyq ónimi óndirilgen eken. Sondaı-aq, 8,1 gektar jerge jylyjaı salynyp, tamshylatyp sýǵarý ádisi 111 gektar jerge endirildi. Nátıjesinde ósimdik sharýashylyǵyndaǵy ónim kólemi 26,4 mlrd. teńgeni quraǵan.
Aýdan ákimi Baqtıar Mamaevtyń aıtýynsha, 2017 jyly «Sybaǵa» baǵdarlamasy boıynsha 280 bas iri qara mal, «Altyn asyq» baǵdarlamasymen 200 bas ýaq analyq mal jáne 7 bas asyl tuqymdy qoshqar satyp alynsa, «Qulan» baǵdarlamasy arqyly 32 bas jylqy alynyp, aýdandyq kórsetkishter jospary tolyq oryndalǵan.
– Aýdanda 34 kooperatıv qurylyp, kooperatıvterdiń jalpy sany 45-ke jetti. Jalpy aýdanda 103 birlik 10-15 bastyq shaǵyn mal bordaqylaý alańdary men 41 januıalyq sút aýlalary ashyldy. Óńirdegi 887 mal bordaqylaý alańdarynda bir mezette 31 myń bas mal bordaqylanýda. Nátıjesinde mal sharýashylyǵynda 32,5 mlrd.teńgeniń ónimi óndirilip, 2016 jylmen salystyrǵanda 9,7 paıyzǵa artyp otyr, – dedi bul rette Baqtıar Mamaev.
Aıta keteıik, aýdan eńbekkerleri byltyrǵy jyly oblysta sút óndirýden I oryn, kókónis óndirýden II, et, maqsary óndirý men tamshylatyp sýǵarý ádisin endirýden III oryndarǵa qol jetkizgen bolatyn. Aýdan bıylǵy jyly aldyńǵy qatardan kórindi.
