قاراشانىڭ العاشقى جۇلدىزىندا مال شارۋاشىلىعى سالاسىنداعى وزىق تەجٸريبەلەردٸ ٷيرەنۋ ٷشٸن بٸر توپ ماقتاارالدىقتار «قارابۇلاققا» ٸس-ساپارمەن باردى. اۋدانىمىزدىڭ ەر وكرۋگٸنەن جينالعان شارۋالاردى اۋداندىق اۋىل شارۋاشىلىعى بٶلٸمٸنٸڭ باسشىسى ٶسەر مىرزامدانوۆ پەن وسى بٶلٸمنٸڭ باس مامانى تالعات كالەنوۆ باستاپ جٷردٸ.
بۇل ٸس-ساپارعا قر اۋىل شارۋاشىلىعى مينيسترلٸگٸنٸڭ تٷركٸستان وبلىسى بويىنشا ٶكٸلٸ تۇرسىنباي بەرداليەۆ سەبەپكەر بولعان. ول ماقتاارالدىق شارۋالارعا قارابۇلاقتىقتاردىڭ تەجٸريبەلەرٸ تۋرالى قۇندى دەرەكتەر ايتىپ, وسىنداي ٸرٸ مال شارۋاشىلىعىن ماقتاارالدا قۇرۋعا شاقىردى.
ماقتاارالدىق شارۋالار جەكە كەسٸپكەرلەر اليمجان مەن باحتييار شادىقۇلوۆتارعا تيەسٸلٸ «شوش» شارۋاقوجالىعىنداعى ٸرٸ قارانى بورداقىلاۋ كەشەنٸندە بولدى. اۋماعى 70 سوتتىق جەردٸ قۇرايتىن بۇل كەشەندە ٸرٸ قارانى بورداقىلاۋعا قاجەتتٸ بارلىق جاعدايلار جاسالىنىپتى. مۇندا بٷگٸندە 200-دەن استام ٶگٸز بورداقىلانعان. سونىمەن قاتار, سەۋٸر ايىنان قارا كٷزگە دەيٸن جىلقى مالى دا بورداقىلاناتىنى بەلگٸلٸ بولدى.
ماقتاارالدىق شارۋالاردىڭ مال بورداقىلاۋعا قاتىستى قويعان سۇراقتارىنا كەشەن يەلەرٸنەن بٶلەك, «قارابۇلاق» اۋىلدىق وكرۋگٸنٸڭ مال دەرٸگەرٸ بابۋر ەسٸمدٸ ازامات جان-جاقتى جاۋاپ بەردٸ. بٷگٸندە كەسٸپكەرلەر اليمجان مەن باحتييار ٸرٸ قارالاردىڭ ەتٸن جامبىل وبلىسى, الماتى قالاسى مەن ٶزبەكستان رەسپۋبليكاسىنا بازارداعى نارىقتان 50-100 تەڭگەگە ارزانعا ساۋدالاپ جاتقانىن, سونداي-اق جەرگٸلٸكتٸ ەت سويۋ ورىندارى دا ٶنٸمٸن جوعارى باعامەن ساتىپ الاتىنىن ايتتى. سوندىقتان, ولار ٶز ٶنٸمدەرٸن ٶتكٸزۋدەن ەشقانداي قيىنشىلىق كٶرمەيدٸ ەكەن.
كەشەن قۇرىلىسىمەن جەنە مالداردى باعىلۋ جايىمەن تانىسىپ, ٶزدەرٸن قىزىقتىرعان سۇراقتارعا ناقتى جاۋاپتار العان ماقتاارالدىق شارۋالار وسى شارانى ۇيىمداستىرۋشىلارعا ٶز ريزاشىلىقتارىن بٸلدٸردٸ. سونداي-اق, ولار العان تەجٸريبەلەرٸن پايدالانىپ, ٸرٸ مال شارۋاشىلىعىن قۇرۋدى جوسپارلاپ جٷرگەندەرٸن ايتتى.
