ءقازىر دۇنيەجۇزى ۋكرايناداعى جاعدايدى ءجىتى باقىلاپ وتىرعانى بەلگىلى. اسىرەسە باتىس ەلدەرىنىڭ اقپارات قۇرالدارى ساعات سايىن ماتەريال جاريالاپ، جۇرتقا تىڭ جاڭالىقتار ۇسىنىپ كەلەدى. باتىستاعى كەيبىر ارىپتەستەرىمىز ۋكرايناداعى جاعدايدان حابارى بولعانىمەن ونداعى ساياسي تۇلعالاردىڭ جىعا تانىمايتىنى ءبىزدى تاڭقالدىردى.  

تاياۋدا ۇلبريتانيانىڭ اۋزىمەن قۇس تىستەگەن ۇزدىك باسىلىمدارىنىڭ ءبىرى The Economist «نورماند تورتتىگىنىڭ» وتكىزگەن جيىنىنا ارناپ كاريكاتۋرا سالىپ، پوروشەنكو مەن لۋكاشەنكونى ورىنىن الماستىرىپ جىبەرگەنىن كورگەندە اتتان اۋىپ ءتۇسىپ قالا جازدادىق. كۇندەلىكتى شىعاتىن باسىلىمنىڭ سۋرەتشىسى ساياسي جاعدايلاردىڭ جەتىك بىلمەيتىن شىعار. ءبىراق كاريكاتۋرا باسىلىمدا جاريالانعان دەيىن تالاي جۋرناليستەردىڭ سۇزگىسىنەن وتكەنى انىق. ولار مۇنى نەگە بايقاماعان؟ سوندا جۋرناليستەردىڭ كورشىلەس ەكى ەلدىڭ پرەزيدەنتىن تانمايتىن بولعانى ما؟ مۇنى ەندى ساياسي ساۋاتسىزدىق دەمەسكە لاجىڭ جوق.