قازاقستاندا كەن ٶندٸرۋ جەنە مەتاللۋرگييا سالالارىنداعى ٶندٸرٸستٸك قاۋٸپسٸزدٸكتٸ كٷشەيتۋ جۇمىستارى جالعاسىپ جاتىر, دەپ حابارلايدى dalanews.kz.
ٶنەركەسٸپ جەنە قۇرىلىس مينيسترلٸگٸنٸڭ مەلٸمەتٸنشە, مينيسترلٸك قاۋٸپسٸز ەڭبەك تۇجىرىمداماسى اياسىندا كەسٸپورىنداردا ەڭبەك قاۋٸپسٸزدٸگٸن قامتاماسىز ەتۋ باعىتىندا جٷيەلٸ شارالار قابىلداۋدا. كەن ٶندٸرۋ سالاسىنداعى ٶنەركەسٸپتٸك قاۋٸپسٸزدٸك تالاپتارى جەر قويناۋى جەنە جەر قويناۋىن پايدالانۋ تۋرالى كودەكستە بەكٸتٸلگەن. سوعان سەيكەس ەربٸر جەر قويناۋىن پايدالانۋشى كەن ٶندٸرۋ جوسپارىن تٶتەنشە جاعدايلار سالاسىنداعى ۋەكٸلەتتٸ ورگانمەن كەلٸسۋگە مٸندەتتٸ.
ٶتكەن جىلى تٶتەنشە جاعدايلار مينيسترلٸگٸمەن بٸرلەسٸپ ٶنەركەسٸپتٸك قاۋٸپسٸزدٸك جٷيەلەرٸن جاڭارتۋعا ينۆەستيتسييا تارتۋ جوسپارى بەكٸتٸلٸپ, ونىڭ اياسىندا 55 شاحتا مەن كەن ورنى تەكسەرٸلگەن.
تەكسەرۋ نەتيجەسٸندە سەگٸز كومپانييانىڭ ون ٶندٸرٸستٸك نىسانىندا پەرسونالدى ٸزدەۋ جەنە پوزيتسييالاۋ جٷيەلەرٸ جوق ەكەنٸ انىقتالعان. ال قالعان كەسٸپورىنداردا ٶنەركەسٸپتٸك قاۋٸپسٸزدٸك جابدىقتارىن جاڭارتۋ قاجەتتٸلٸگٸ بەلگٸلٸ بولعان.
قازٸرگٸ ۋاقىتتا اتالعان سەگٸز كومپانييانىڭ ٶندٸرٸستٸك باعدارلامالارىن قايتا قاراۋ جۇمىستارى جٷرگٸزٸلۋدە. ٷش كومپانييامەن پەرسونالدى پوزيتسييالاۋ جٷيەلەرٸن ورناتۋعا ينۆەستيتسييا بٶلۋ جٶنٸندە كەلٸسٸم جاسالسا, قالعان بەس كومپانييا قاجەتتٸ تەحنيكالىق شەشٸمدەر مەن جابدىق جەتكٸزۋشٸلەرٸن انىقتاپ جاتىر.
مەملەكەت باسشىسىنىڭ تاپسىرماسىنا سەيكەس مەتاللۋرگييا سالاسىندا جاڭعىرتۋدى قاجەت ەتەتٸن 50 ٸرٸ كەسٸپورىن ايقىندالىپ, ولاردىڭ جۇمىسىن باقىلاۋ ٷشٸن تەحنيكالىق قايتا جاراقتاندىرۋ باقىلاۋ كارتاسى ەزٸرلەنگەن.
سونىمەن بٸرگە جەر استى راديوبايلانىسى, پەرسونال مەن تەحنيكانى پوزيتسييالاۋ جٷيەلەرٸ, اۆتوماتتاندىرىلعان مەديتسينالىق باقىلاۋ, جەلدەتۋ جەنە گاز ورتاسىن مونيتورينگتەۋ, گەومەحانيكالىق جەنە سەيسميكالىق باقىلاۋ, بەينەاناليتيكا مەن جاساندى ينتەللەكت تەحنولوگييالارىن بٸرٸكتٸرەتٸن بٸرىڭعاي تسيفرلىق قاۋٸپسٸزدٸك جٷيەسٸ قالىپتاستىرىلىپ جاتىر.
Qarmet كومپانيياسىنىڭ شاحتالارىندا دا پەرسونالدى باقىلاۋ جەنە پوزيتسييالاۋ جٷيەلەرٸ, كونۆەيەرلەردەگٸ اۆتوماتتى ٶرت سٶندٸرۋ جٷيەلەرٸ ٸسكە قوسىلعان. رۋدنيكتەردە ٶندٸرٸستٸك پروتسەستەر تسيفرلاندىرىلىپ, كارەرلەردٸڭ ٷش ٶلشەمدٸ مودەلدەرٸن جاساۋ ٷشٸن ۇشقىشسىز ۇشۋ اپپاراتتارى قولدانىلۋدا.
«قاۋٸپتٸ جاعدايلاردى اۆتوماتتى انىقتاۋ, قاۋٸپسٸزدٸك تالاپتارىنىڭ ساقتالۋىن باقىلاۋ جەنە تەۋەكەلدەرگە جەدەل ەرەكەت ەتۋ ٷشٸن جاساندى ينتەللەكت پەن بەينەاناليتيكا تەحنولوگييالارى قولدانىلىپ جاتىر», – دەپ اتاپ ٶتتٸ مينيسترلٸك.
مينيسترلٸكتٸڭ مەلٸمەتٸنشە, ەنگٸزٸلٸپ جاتقان تسيفرلىق شەشٸمدەر ٶندٸرٸستٸك پروتسەستەردٸ ناقتى ۋاقىت رەجيمٸندە باقىلاۋعا, اپاتتار مەن جاراقاتتانۋدىڭ الدىن الۋعا, ادامي فاكتوردىڭ ىقپالىن ازايتۋعا جەنە تەۋەكەلدەردٸ تيٸمدٸ باسقارۋعا مٷمكٸندٸك بەرەدٸ.
ٶنەركەسٸپ جەنە قۇرىلىس مينيسترلٸگٸ الداعى ۋاقىتتا دا ٶز قۇزىرەتٸنە كٸرەتٸن بارلىق سالالاردا ٶنەركەسٸپتٸك قاۋٸپسٸزدٸكتٸڭ زاماناۋي ستاندارتتارىن كەزەڭ-كەزەڭٸمەن ەنگٸزۋدٸ جالعاستىرادى.
