ساۋران اۋدانىندا قورشاعان ورتانى قورعاۋ جانە ەكولوگيالىق مادەنيەتتى قالىپتاستىرۋ ماقساتىندا كوگالداندىرۋ جانە تازالىق جۇمىستارى تۇراقتى جۇرگىزىلىپ كەلەدى. اۋدان كولەمىندە جاپپاي سەنبىلىك جۇمىستارى ۇيىمداستىرىلىپ، اعاش كوشەتتەرىن ەگۋ جالعاسۋدا، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
سونىمەن قاتار ەكولوگيالىق اكسيا اياسىندا اكتەۋ سىرلاۋ، ارىق-اتىزدارى تازالاۋ جۇمىستارى قاتار اتقارىلۋدا. وعان اۋدانعا قاراستى بارلىق مەملەكەتتىك مەكەمەلەر، قوعامدىق ۇيىمدار، مادەني ورتالىق وكىلدەرى، اۋدان تۇرعىندارى، بەلسەندى جاستار مەن ەرىكتىلەر قاتىسۋدا.
سەنبىلىكتە 21 كوشە بويلارى تازالانىپ، 8 ايالداما سىرلانىپ، قالپىنا كەلتىرىلدى. 457 رەتسىز وسكەن بۇتالار الىنىپ، تالداردىڭ تۇپتەرى اكتەلدى. 9 شاقىرىم اياق جولدار تازالانىپ، ساياباقتار جانە سكۆەرلەر رەتكە كەلتىرىلدى. كوپىرلەردىڭ، وزەندەردىڭ، كانالدار مەن بۇلاقتاردىڭ 2،4 شاقىرىمدىق ارنالارى تازالاندى. 4 كوپقاباتتى ءۇي ماڭىنداعى اۋماقتارى مەن اۋلالارىن، جەرتولەلەرىن، كىرەبەرىستەردى (پودەزد) جينالدى.
بۇدان بولەك 114 ۇيلەردىڭ قاسبەتتەرى اكتەلىپ، سىرلاۋ جۇمىستارى جۇرگىزىلسە، 740-قا جۋىق كوشەتتەر وتىرعىزىلدى. 6 شاقىرىمدىق يرريگاسيا جۇيەلەرى قوقىس قالدىقتارىنان تازارتىلىپ، 300 دانا جول بەلگىلەرى سىرلاندى. جالپى، سەنبىلىك تازالىق جۇمىستارىنا 680 ادام قاتىسىپ، 8 تەحنيكا جۇمىلدىرىلدى. ەكولوگيالىق اكسيا الداعى ۋاقىتتا دا قارقىن الىپ، ءوز جالعاسىن تابادى.
