اقتٶبەدە حالىقارالىق ٸزدەۋدە بٸرنەشە جىل بويى جٷرگەن 50 جاستاعى اسىلبەك نىسانوۆقا قاتىستى ٷكٸم شىقتى. سوت ونى تەرروريزمدٸ ناسيحاتتادى دەپ تانىپ, سەگٸز جىلعا باس بوستاندىعىنان ايىردى, دەپ حابارلايدى dalanews.kz.
تەرگەۋ مەلٸمەتٸنشە, اسىلبەك نىسانوۆ 2008 جىلى ساۋد ارابيياسىنداعى مەدينا قالاسىنا كەتكەن. سول جەردە راديكالدى يدەولوگييانىڭ ىقپالىنا تٷسكەنٸ انىقتالعان. كەيٸن ول Telegram ارقىلى تانىستارىنا تەرروريزمدٸ جەنە قارۋلى جيھاد يدەياسىن ناسيحاتتايتىن حابارلامالار جٸبەرٸپ وتىرعان.
2019 جىلى اقتٶبەلٸك حالىقارالىق ٸزدەۋگە جارييالانعان. بيىل ول ۇستالىپ, قازاقستانعا جەتكٸزٸلدٸ.
سوت بارىسىندا نىسانوۆ كٸنەسٸن تولىق مويىنداپ, پروتسەستٸك كەلٸسٸم جاساۋدى سۇراعان. الايدا پروكۋراتۋرا بۇل ٶتٸنٸشتٸ قولداماعان. ايىپتاۋشى تاراپ سوتتالۋشىنىڭ تەرروريزمدٸ دەرٸپتەيتٸن راديكالدى يدەولوگييانىڭ ىقپالىندا بولعانىن جەنە ونىڭ ەرەكەتٸ بەيبٸتشٸلٸك پەن قوعامدىق قاۋٸپسٸزدٸككە قارسى باعىتتالعانىن مەلٸمدەدٸ.
سوت ٷكٸمٸن شىعارۋ كەزٸندە ايىپتالۋشىنىڭ كەمەلەتكە تولماعان بالالارىنىڭ بولۋى مەن كٸنەسٸن مويىنداعانى جەڭٸلدەتەتٸن مەن-جاي رەتٸندە ەسكەرٸلدٸ.
سوت ونى قازاقستان رەسپۋبليكاسى قىلمىستىق كودەكسٸنٸڭ 256-بابىنىڭ 2-بٶلٸگٸ بويىنشا كٸنەلٸ دەپ تانىپ, سەگٸز جىل مەرزٸمگە باس بوستاندىعىنان ايىرۋ جازاسىن تاعايىندادى.
سوت وتىرىسى الدىندا سوتتالۋشىنىڭ تۋىستارى دا كٶپشٸلٸكتٸڭ نازارىن اۋداردى. ەيەلدەر سوتقا بەت-جٷزٸن تولىق جاۋىپ تۇراتىن ورامالمەن كەلگەن. سوت حاتشىسى ولاردان جٷزدەرٸن اشۋدى تالاپ ەتتٸ.
ايتا كەتەيٸك, بۇعان دەيٸن اقتٶبەدە سوتقا نيقاب كيٸپ كەلگەن ەيەلدەر ەكٸمشٸلٸك جاۋاپكەرشٸلٸككە تارتىلعان بولاتىن.
