اتىراۋ وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا بٸر وتباسىنىڭ تٶرت مٷشەسٸن ٶلتٸرۋ ٸسٸ بويىنشا سوت پروتسەسٸ جالعاسىپ جاتىر. ايىپتالۋشىلار ورىندىعىندا قازا تاپقانداردىڭ كٷيەۋ بالاسى سۇلتان سەرسەمەليەۆ وتىر, دەپ حابارلايدى dalanews.kz.
NewTimes.kz مەلٸمەتٸنشە, سەرسەمەليەۆكە قاتىستى جاڭا ايىپتاۋ اكتٸسٸندە جەبٸرلەنۋشٸ تاراپ بۇرىنعى وتباسىلىق قارىم-قاتىناسقا بايلانىستى دەرەكتەردٸ دە ٸسكە قوسۋدى سۇراعان. اقباياننىڭ ادۆوكاتى شىنار نۇرمۇراتقىزى وقيعاعا دەيٸن ەرلٸ-زايىپتىلار اراسىندا جانجال بولعانىن ايتتى.
قورعاۋشىنىڭ سٶزٸنشە, وتباسىنداعى كەلٸسپەۋشٸلٸككە سەرسەمەليەۆتٸڭ ەيەلٸنٸڭ كٶزٸنە شٶپ سالۋى سەبەپ بولعان. وسىدان كەيٸن 2022 جىلى اقبايان مۇقانعاليەۆا اجىراسۋعا ٶتٸنٸش بەرٸپ, كەيٸن ولاردىڭ نەكەسٸ رەسمي تٷردە بۇزىلعان.
سوت وتىرىسىندا سۋديا سەرسەمەليەۆ پەن مۇقانعاليەۆا اراسىنداعى نەكەنٸ بۇزۋ تۋرالى 2022 جىلعى سوت شەشٸمٸن وقىپ بەردٸ. قۇجاتتا اقباياننىڭ وپاسىزدىق جاساعان ادامعا سەزٸمٸ قالماعانىن جەنە ونىمەن بٸرگە ٶمٸر سٷرۋدٸ جالعاستىرعىسى كەلمەيتٸنٸن كٶرسەتكەنٸ ايتىلعان.
سەرسەمەليەۆ سول كەزدە سوتتىڭ نەكەنٸ بۇزۋ تۋرالى شەشٸمٸمەن كەلٸسكەن. ٶتٸنٸش قارالعاننان كەيٸن ەرلٸ-زايىپتىلار رەسمي تٷردە اجىراسقان.
سوت ماتەريالدارىندا تاراپتار اراسىندا ورتاق مٷلٸكتٸ بٶلۋگە قاتىستى داۋ بولماعانى دا كٶرسەتٸلگەن.
جاڭا ايىپتاۋ اكتٸسٸندە بٸر ەپيزودتىڭ قۇقىقتىق باعاسى ٶزگەرگەنٸ بەلگٸلٸ بولدى. بۇعان دەيٸن ٸس ماتەريالدارىندا الاياقتىق تۋرالى ايتىلسا, ەندٸ ول ۇرلىق بابىنا قايتا سارالانعان.
جەبٸرلەنۋشٸ تاراپ قىلمىسقا دەيٸنگٸ جاعدايلار ٸستٸ قاراۋ ٷشٸن ماڭىزدى دەپ سانايدى. سوندىقتان ولار وسى دەرەكتەردٸڭ سوت ماتەريالدارىندا كٶرسەتٸلۋٸ قاجەت دەگەن ۇستانىمدا.
سونىمەن قاتار جاڭا ايىپتاۋ اكتٸسٸنەن بۇعان دەيٸن جەڭٸلدەتەتٸن مەن-جاي رەتٸندە كٶرسەتٸلگەن كەيبٸر دەرەكتەر الىنىپ تاستالعان.
