بۇلاي دەپ سارىاعاش اۋدانى اكىمىنىڭ ورىنباراسى مارات سەيتىمبەتوۆ مالىمدەدى. 

ونىڭ ايتۋىنشا، 2018 جىلى جالپى العاندا 10 ەلدى — مەكەندى اۋىز سۋمەن قامتاماسىز ەتۋگە قارجى بولىنگەن ەكەن. بيىلعى جىلى ەكى ەلدى مەكەن تاپسىرىلعان.

"ال قالعان ەلدى مەكەندەردى 2019 جىلدىڭ اياعىنا دەيىن تولىقتاي تازا اۋىز سۋمەن قامتاماسىز ەتۋدى جوسپارلانىپ وتىرمىز. بۇل ارادا ءبىر ماسەلە جەر استى سۋىن بارلاۋعا تىرەلىپ تۇر. سوناۋ كەڭەس وكىمەتىنىڭ تۇسىندا دا جەر استى سۋ قورىن انىقتاۋ، بارلاۋ جۇمىستارى جۇرگىزىلمەگەن ەدى. وسى ولقىلىقتىڭ ورنىن تولتىرىپ 2015-16 جىلدارى 24 ەلدى — مەكەندە جەر استى سۋ قورلارىن بارلاۋ جۇمىستارىن جۇرگىزدىك. سوعان سايكەس اۋىلدارعا ۇڭعىما قازۋ، ورتالىقتاندىرىلعان اۋىز سۋ جۇرگىزۋ جۇمىستارى جۇرگىزىلىپ جاتىر»، – دەيدى مارات سەيتىمبەتوۆ.

ايتا كەتەلىك كۇنى كەشە  سارىاعاش اۋدانى، داربازا اۋىلىنا قاراستى ەلدى مەكەندەگى اعايىن ۇيلەرىنە سۋ كىرگىزىپ ءماز-مايرام بولدى. تۇرعىندار ەندى سۋ تاسيتىن كولىكتىڭ جولىن توسپايدى. اۋلالارىنا ورناتىلعان قۇبىر ارقىلى تازا سۋ ءىشىپ، تىرشىلىك ءنارىن تاسۋ ماشاقاتىنان قۇتىلدى. وڭىرلەردى دامىتۋ باعدارلاماسىنىڭ شاپاعاتىن كورگەن كوپشىلىك، ەل قاتارىنا قوسىلىپ جاتقاندارىنا قۋانىشتى.

جالپى بيىل اۋدانعا قاراستى 420 ءۇي ماگيسترالدى سۋ قۇبىرىنا قوسىلىپ، تىرشىلىك نارىنە قول جەتكىزگەن. ايتا وتەيىك، سارىاعاش اۋدانىندا 14 اۋىلدىق وكرۋگ، 70 ەلدى مەكەن بار. ونىڭ 44 پايىزى ساپالى سۋ ىشەدى.