Saryaǵashtaǵy segiz eldi-meken sapaly aýyzsýmen qamtamasyz etiledi
Onyń aitýynsha, 2018 jyly jalpy alǵanda 10 eldi — mekendi aýyz sýmen qamtamasyz etýge qarjy bólingen eken. Biylǵy jyly eki eldi meken tapsyrylǵan.
"Al qalǵan eldi mekenderdi 2019 jyldyń aiaǵyna deiin tolyqtai taza aýyz sýmen qamtamasyz etýdi josparlanyp otyrmyz. Bul arada bir másele jer asty sýyn barlaýǵa tirelip tur. Sonaý Keńes ókimetiniń tusynda da jer asty sý qoryn anyqtaý, barlaý jumystary júrgizilmegen edi. Osy olqylyqtyń ornyn toltyryp 2015-16 jyldary 24 eldi — mekende jer asty sý qorlaryn barlaý jumystaryn júrgizdik. Soǵan sáikes aýyldarǵa uńǵyma qazý, ortalyqtandyrylǵan aýyz sý júrgizý jumystary júrgizilip jatyr», – deidi Marat Seitimbetov.
Aita ketelik kúni keshe Saryaǵash aýdany, Darbaza aýylyna qarasty eldi mekendegi aǵaiyn úilerine sý kirgizip máz-máirám boldy. Turǵyndar endi sý tasityn kóliktiń jolyn tospaidy. Aýlalaryna ornatylǵan qubyr arqyly taza sý iship, tirshilik nárin tasý mashaqatynan qutyldy. Óńirlerdi damytý baǵdarlamasynyń shapaǵatyn kórgen kópshilik, el qataryna qosylyp jatqandaryna qýanyshty.
Jalpy biyl aýdanǵa qarasty 420 úi magistraldy sý qubyryna qosylyp, tirshilik nárine qol jetkizgen. Aita óteiik, Saryaǵash aýdanynda 14 aýyldyq okrýg, 70 eldi meken bar. Onyń 44 paiyzy sapaly sý ishedi.
