اقساقال پاندەمياعا قاتىستى كەيىنگە شەگەرىلگەن ساياسي ناۋقاننىڭ باستالعانىن اسىعا كۇتكەنىن ايتادى. سوعىس ارداگەرى ەرموحان يشحونوۆ جىلدار بويى اۆياسيالىق اسكەري قىزمەتتە بولعان.
I دارەجەلى «ۇلى وتان سوعىسى»، «كسرو گۆاردياسى»، «1941-1945ج وتان سوعىسى» وردەندەرىمەن، «ءمىنسىز قىزمەتى ءۇشىن»، «ەرلىگى ءۇشىن» جانە باسقا دا 20-دان استام مەدالدارمەن ماراپاتتالعان. جەتى بالانىڭ اكەسى بۇگىندە ولاردان 33 نەمەرە، 49 شوبەرە، 6 شوپشەك ءسۇيىپ، نەمەرەنىڭ قۋانىشىنا بولەنىپ، شوبەرەلەرىنىڭ قولىنان سۋ ىشكەن جايى بار.
101 جاستاعى سارىاعاش اۋدانى، قۇركەلەس اۋىلىنىڭ تۇرعىنى جادىرا كەسكەنبايەۆا ۇلتتىق حالىق ساناعىنا قاتىسۋ باقىتى بۇيىرعانىنا شەكسىز ريزا. عاسىر جاساعان قارياعا ونلاين ساناقتان وتۋگە شوبەرە، شوپشەكتەرى كومەكتەسكەن. 1920 جىلى دۇنيەگە كەلگەن اجەي 3 ۇل 4 قىز تاربيەلەپ وسىرگەن كوپبالالى انا. بۇگىنگى تاڭدا ولاردان 35 نەمەرە، 82 شوبەرە، 4 شوپشەك ءسۇيىپ وتىر.
«حالىق ساناعىن اسىعا كۇتتىك. ساناققا قاتىسىپ، تىركەۋگە جازىلعانىمىز ءۇشىن باقىتتىمىز. بارشاڭىزعا اللا ءبىزدىڭ جاسىمىزدى بەرسىن. ءبىز سەكىلدى نەمەرە، شوبەرە، شوپشەك كورىڭىزدەر»، -دەپ العىسىن ءبىلدىرىپ، اق تاباسىن بەردى قاريا.
