Saryaǵashta júzden asqan qariialar onlain sanaqqa qatysty
Aqsaqal pandemiiaǵa qatysty keiinge shegerilgen saiasi naýqannyń bastalǵanyn asyǵa kútkenin aitady. Soǵys ardageri Ermohan Ishhonov jyldar boiy aviatsiialyq áskeri qyzmette bolǵan.
I dárejeli «Uly Otan soǵysy», «KSRO Gvardiiasy», «1941-1945j Otan soǵysy» ordenderimen, «Minsiz qyzmeti úshin», «Erligi úshin» jáne basqa da 20-dan astam medaldarmen marapattalǵan. Jeti balanyń ákesi búginde olardan 33 nemere, 49 shóbere, 6 shópshek súiip, nemereniń qýanyshyna bólenip, shóbereleriniń qolynan sý ishken jaiy bar.
101 jastaǵy Saryaǵash aýdany, Qurkeles aýylynyń turǵyny Jadyra Keskenbaeva Ulttyq halyq sanaǵyna qatysý baqyty buiyrǵanyna sheksiz riza. Ǵasyr jasaǵan qariiaǵa onlain sanaqtan ótýge shóbere, shópshekteri kómektesken. 1920 jyly dúniege kelgen ájei 3 ul 4 qyz tárbielep ósirgen kópbalaly ana. Búgingi tańda olardan 35 nemere, 82 shóbere, 4 shópshek súiip otyr.
«Halyq sanaǵyn asyǵa kúttik. Sanaqqa qatysyp, tirkeýge jazylǵanymyz úshin baqyttymyz. Barshańyzǵa Alla bizdiń jasymyzdy bersin. Biz sekildi nemere, shóbere, shópshek kórińizder», -dep alǵysyn bildirip, aq tabasyn berdi qariia.
