قازاقستان قارجىگەرلەرى قاۋىمداستىعىنىڭ (ققق) اناليتيكالىق ورتالىعى 2024 جىلعى قاراشاداعى كەيبىر ينديكاتورلار بويىنشا قارجى نارىعىنىڭ كاسىبي قاتىسۋشىلارى اراسىندا جۇرگىزىلگەن كەزەكتى ساۋالناما ناتيجەسىن جاريالادى. ونداعى بولجامعا سايكەس، كەلەسى جىلدىڭ اياعىنا قاراي تەڭگەگە شاققاندا ءبىر اقش دوللارىنىڭ قۇنى 507 تەڭگە بولۋى مۇمكىن، دەپ حابارلايدى Dalanews.kz.
"ءبىر ايدا ينفلياسيانىڭ ەكى ەسە ۇدەۋى (قىركۇيەكتە 0،4%-دان قازان ايىندا 0،9%-عا دەيىن) جانە ونىڭ وزگەرىسىندەگى جوعارى امپليتۋدا بازالىق سىياقى مولشەرلەمەسىنىڭ تومەندەۋ سيكلىنە ورالۋىنا كەدەرگى كەلتىرەدى. وسىعان بايلانىستى قارجى نارىعى ساراپشىلارىنىڭ باسىم بولىگى (75%) ۇلتتىق بانك 29 قاراشاداعى الداعى وتىرىسىندا بازالىق سىياقى مولشەرلەمەسىن 14،25% دەڭگەيىندە قالدىرادى دەگەن پىكىردە، ال قالعان بولىگى (25%) 14،0%-عا دەيىن تومەندەتۋى ىقتيمال"، دەپ بولجانادى قازاقستان قارجىگەرلەرى قاۋىمداستىعى (ققق) ۇسىنعان ەكونوميكالىق تالداۋدا.
تۇتىنۋ باعاسى يندەكسىنىڭ ەكپىن الۋى بولاشاق ينفلياسيا كورسەتكىشىنىڭ ناشارلاي تۇسەتىنىن بايقاتادى. ءبىر جىلدان كەيىن كۇتىلەتىن ينفلياسيانىڭ ورتاشا كورسەتكىشى قازان ايىنداعى 8،1%-دان 8،4%-عا دەيىن ءوستى. بۇل جاعدايدا بازالىق سىياقى مولشەرلەمەسىنىڭ ەكى تاڭبالى ءمانى كەلەسى 12 ايدا دا ساقتالادى جانە ول 13%-دى قۇراۋى مۇمكىن (قازىرگىسى - 14،25%).
"وسىلايشا، ءبىر جىلدان كەيىن ەكونوميكاداعى ناقتى پايىزدىق مولشەرلەمەسى 4،5%-ى قۇراپ، الدەقايدا تومەندەۋى مۇمكىن (قازىرگى ءمانى - 5،75%). ناقتى سىياقى مولشەرلەمەسىنىڭ تومەندەۋى، مۇناي باعاسىنىڭ ارزانداۋى، يمپورتتىڭ ۇزدىكسىز ءوسىمى (ينفراقۇرىلىمدىق جوبالاردى ىسكە اسىرۋ اياسىندا)، سىرتقى بورىش بويىنشا جۇرگىزىلگەن ءىرى تولەمدەر (2025 جىلى قارجى مينيسترلىگىنىڭ ەۋرووبليگاسيالارى بويىنشا 2،5 ملرد دوللار وتەۋ كۇتىلەدى) ۇلتتىق ۆاليۋتا باعامىنا قىسىم كورسەتۋى مۇمكىن: ءبىر جىلدان كەيىن، ياعني 2025 جىلى قاراشادا تەڭگەگە شاققاندا 1 اقش دوللارى 507،1 تەڭگەگە بولۋى مۇمكىن (+اعىمداعى 3،1%). الايدا، كەلەسى ايدا، ياعني جىلدىڭ سوڭىندا ول 487،1 تەڭگەگە دەيىن تومەندەۋى ىقتيمال (قازىرگى باعام - 491،8 تەڭگە/دوللار). بۇعان توقساندىق سالىق كەزەڭى جانە ۇلتتىق قوردان اقشا شىعارىپ، ونى شەتەل ۆاليۋتاسىن ساتىپ الۋ (قاراشا ايىندا - 1،5 ملرد دوللار) شارالارى تۇرتكى بولماق"، - دەيدى ققق ساراپشىلارى.
ءبىر جىلدان كەيىن Brent ماركالى مۇنايدىڭ ءبىر باررەلى اقش پەن وپەك+ تاراپىنان شيكىزات ۇسىنىسىنىڭ ۇلعايۋى، الەمدىك ەكونوميكاداعى جوعارى ستاۆكالاردىڭ مۇناي سۇرانىسىنا تەرىس اسەرى سىندى بولجامدى جاعدايلارعا بايلانىستى 77،4 دوللار (ءبىر اي بۇرىن — 78،9 دوللار) دەڭگەيىندە باجايلانادى.
"ەنەرگورەسۋرستاردىڭ ارزانداۋى، جوعارى پايىزدىق مولشەرلەمەلەر مەن ينفلياسيا، الەمنىڭ ءىرى ەكونوميكالارى اراسىنداعى ساۋدا-ساتتىق قاتىناستاردىڭ ناشارلاۋ ىقتيمالدىلىعى ق ر ەكونوميكاسى وسىمىنە كەرى اسەرىن تيگىزۋى مۇمكىن: 2025 جىلدىڭ قاراشاسىنداعى ءجىو-نىڭ ءوسىمى 4،4% - دان 4،3%-عا دەيىن تومەندەيدى (2024 جىلدىڭ 9 ايىندا - 4%)"، دەلىنگەن زەرتتەۋدە.
ققق اتالعان زەرتتەۋدە قارجى نارىعىنىڭ كاسىبي قاتىسۋشىلارىنىڭ، بانك، ساقتاندىرۋ، بروكەرلىك ۇيىمدار وكىلدەرىنىڭ، تالداۋ جانە قازىناشىلىق بولىمشەلەر قىزمەتكەرلەرىنىڭ پىكىرى ەسكەرىلگەنىن ەسكە سالادى.
بۇعان دەيىن ءبىز ەكونوميكالىق ساياسات ينستيتۋتىنىڭ ديرەكتورى قايىربەك ارىستانبەكوۆ 1 اقش دوللارىنىڭ قازىرگى ناقتى قۇنى 600 تەڭگە بولۋى ءتيىس، الايدا ۇلتتىق بانك بۇل پروسەستى تەجەپ، شەشۋشى قادامدارعا بارا الماي وتىر دەپ ايتقانىن جازعان بولاتىنبىز.
