وسى اپتادا "2024-2026 جىلدارعى رەسپۋبليكالىق بيۋدجەت تۋرالى زاڭعا ٶزگەرٸستەر مەن تولىقتىرۋلار ەنگٸزۋ" تۋرالى زاڭ جوباسىنىڭ مەتٸنٸ جارييالانىپ, كٶپشٸلٸك تالقىسىنا ۇسىنىلدى. ٶزگەرٸس تەك 2024 جىلدى قامتيدى. وندا دا باستى ٶزگەرٸس ۇلتتىق قوردان الىناتىن نىسانالى ترانسفەرت كٶلەمٸن تاعى 2,0 ترلن تەڭگەگە ۇلعايتۋدى قاراستىرادى, ياعني 1,6 ترلن تەڭگەدەن 3,6 ترلن تەڭگەگە دەيٸن, دەپ حابارلايدى Dalanews.kz.
"ۇلتتىق قوردان الىناتىن نىسانالى ترانسفەرت كٶلەمٸن تاعى 2,0 ترلن تەڭگەگە ۇلعايتۋ بيۋدجەتكە تٷسەتٸن كٸرٸستەر كٶلەمٸنٸڭ تٶمەندەۋٸمەن بايلانىستى", - دەيدٸ Halyk Finance باسقارماسى تٶراعاسىنىڭ كەڭەسشٸسٸ مۇرات تەمٸرحانوۆ.
ونىڭ ايتۋىنشا, ۇلتتىق قوردان بيۋدجەتكە باعىتتالاتىن رەسمي ترانسفەرتتەردٸڭ جالپى سوماسى (كەپٸلدەندٸرٸلگەن جەنە نىسانالى ترانسفەرتتەر) 5,6 ترلن تەڭگەنٸ قۇرايدى.
"بۇعان دەيٸن دە اتاپ ٶتكەنٸمٸزدەي, 2024 جىلعى شٸلدەدە 467,4 ملرد تەڭگە سوماسىندا "قازاتومٶنەركەسٸپ" اق اكتسييالارىنا قاتىستى جٷرگٸزٸلگەن ۆاليۋتالىق وپەراتسييالاردى ەسكەرسەك, ۇلتتىق قوردان بيۋدجەتكە باعىتتالعان ترانسفەرتتەردٸڭ جالپى سوماسى 2024 جىلى 6,1 ترلن تەڭگەنٸ قۇرايدى. زاڭ جوباسى تٷسٸندٸرمەسٸندە 2024 جىلى بيۋدجەتكە تٷسەتٸن سالىقتىق تٷسٸمدەر جوسپارلانعان 3,1 ترلن تەڭگە كٶلەمٸنەن تٶمەن بولاتىنى اتاپ كٶرسەتٸلگەن. بٸزدٸڭ ويىمىزشا, بيۋدجەت كٸرٸستەرٸنٸڭ كٷرت تٶمەندەۋٸ نىسانالى ترانسفەرتتٸڭ 2,0 ترلن تەڭگەگە ۇلعايۋىنىڭ, سونداي-اق "قازاتومٶنەركەسٸپ" اق اكتسييالارى بويىنشا 0,5 ترلن تەڭگەگە جۋىق ۆاليۋتالىق وپەراتسييالاردىڭ جٷزەگە اسىرىلۋىنىڭ باستى سەبەبٸ بولىپ تابىلادى. ٶيتكەنٸ بۇل ارادا بيۋدجەت شىعىندارى ٶزگەرٸسسٸز قالۋدا. وسىلايشا, ۇلتتىق قوردان قوسىمشا تارتىلعان نىسانالى ترانسفەرتتەر سالىقتىق تٷسٸمدەرٸنٸڭ كٷرت تٶمەندەۋٸنەن تۋىنداعان بيۋدجەت تاپشىلىعىن جابۋ ٷشٸن پايدالانىلاتىن بولادى", - دەيدٸ ول.
ساراپشىنىڭ ايتۋىنشا, بيۋدجەت كودەكسٸنە سەيكەس, ۇلتتىق قوردان تارتىلعان نىسانالى ترانسفەرتتەر پرەزيدەنتتٸڭ شەشٸمٸ بويىنشا رەسپۋبليكالىق بيۋدجەتكە مىنالاردى قارجىلاندىرۋ ٷشٸن پايلانىلا الادى: بٸرٸنشٸدەن, ەكونوميكانىڭ قۇلدىراۋ كەزەڭٸندەگٸ داعدارىسقا قارسى نەمەسە ەكونوميكا ٶسٸمٸنٸڭ قارقىنى بەسەڭدەگەندە قولعا الىناتىن باعدارلامالارعا; ەكٸنشٸدەن, ەلەۋمەتتٸك ماڭىزى بار ۇلتتىق اۋقىمداعى جوبالارعا, ستراتەگييالىق ماڭىزدى ينفراقۇرىلىمدىق جوبالاردى قارجىلاندىرۋشى بالامالى كٶزدەر بولماعان كەزدە.
"وسى جاعىنان العاندا بيۋدجەت تاپشىلىعىن قارجىلاندىرۋ ٷشٸن نىسانالى ترانسفەرتتٸ پايدالانۋ بيۋدجەت كودەكسٸنٸڭ وسى ەرەجەلەرٸن بۇزادى. جالپى بٸز ۇلتتىق قوردى پايدالانۋ بويىنشا شەشٸمدەردٸڭ اشىقتىعىنىڭ تٶمەن دەڭگەيٸن باسا اتاپ ٶتكٸمٸز كەلەدٸ. مىسالى, بيىلعى جىل ورتاسىندا 2023 جىلداعى ۇلتتىق قور بويىنشا ەگجەي-تەگجەيلٸ ەسەپ جارييالانبادى, تەك پرەزيدەنتتٸڭ جارلىعىن كٶردٸك. ماۋسىم ايىندا قارجى مينيسترلٸگٸنٸڭ 2023 جىلداعى ۇلتتىق قور بويىنشا ەسەبٸ جارلىقپەن بەكٸتٸلگەنٸ تۋرالى اقپاراتتىق حابارلاما جارييالادى, بٸراق ەسەپتٸڭ ٶزٸ قولجەتٸمدٸ دەرەككٶزدەرگە ورنالاستىرىلمادى. بٸزدٸڭ ويىمىزشا, بۇل ۇلتتىق قور بويىنشا جٷرگٸزٸلگەن وپەراتسييالاردىڭ اشىقتىعىنا سەلكەۋ تٷسٸرۋشٸ تەرٸس قۇبىلىس بولىپ تابىلادى", - دەيدٸ ول.
ايتا كەتسەك, ۇلتتىق بانك تٶراعاسى تيمۋر سٷلەيمەنوۆ تە ۇلتتىق قوردان كٶپتەپ اقشا الىنۋى بازالىق سىياقى مٶلشەرلەمەسٸن تٶمەندەتۋ تۋرالى ٶز مٸندەتتەرٸن ورىنداۋدا ايتارلىقتاي كەدەرگٸ كەلتٸرٸپ وتىرعانىن ايتقان.
ۇلتتىق قور اكتيۆتەرٸنٸڭ ٶسٸمٸ تەك ينۆەستيتسييالىق تابىستى عانا قولدايدى. ترانسفەرتتەردٸڭ جوعارى كٶلەمٸ باعالارعا تٸكەلەي قىسىم جاساي وتىرىپ, اقشالاي ۇسىنىستاردى ارتتىرادى. مۇنىڭ بەرٸ بازالىق سىياقى مٶلشەرلەمەسٸن تٶمەندەتۋدەگٸ كەڭٸستٸك اياسىن ايتارلىقتاي شەكتەيدٸ", - دەدٸ 2024 جىلى 15 قازاندا ٶتكەن ٷكٸمەت وتىرىسىندا ۇلتتىق بانك باسشىسى تيمۋر سٷلەيمەنوۆ.
ونىڭ ايتۋىنشا, ۇلتتىق قورعا تٷسكەن تٷسٸمنەن الىنىپ جاتقان اقشا كٶلەمٸ كٶپ.
"2024 جىلعى ترانسفەرتتەردٸڭ جالپى كٶلەمٸ 6 ترلن تەڭگەدەن اسادى, ال 2024 جىلدىڭ باسىندا بۇل شەك 3,6 ترلن تەڭگەنٸ قۇرايدى دەپ جوسپارلانعان بولاتىن", دەپ ەسكە سالدى سٷلەيمەنوۆ.
وسىلاي دەگەن سٷلەيمەنوۆ, شىن مەنٸندە بٸرنەشە جىلدان بەرٸ "قازاقستاندا بيۋدجەتتٸك داعدارىس بولاتىن كٷن تاياپ قالدى" دەپ دابىل قاعىپ جٷرگەن ساراپشىلاردىڭ پٸكٸرلەرٸن ناقتىلاي تٷسكەندەي.
