ساراپشى راسۋل رىسمامبەتوۆ «ارسەلور تەمىرتاۋ» كاسىپورىندارىن قىتايلىق ينۆەستورعا بەرۋ تۋرالى پىكىرىن ءبىلدىردى.

"دەجۋرنىي KZ" تەلەگرام ارناسىنىڭ حابارلاۋىنشا ەكونوميست جۇڭگو ينۆەستورلارىنىڭ ىعىنا جىعىلىپ وتىر.

ونىڭ ايتۋىنشا، تاجىريبەسى تىڭ جانە قولىندا قوماقتى قارجىسى بار قىتايلىق ينۆەستورلار ءىستى ورگە سۇيرەيدى.

"رىسمامبەتوۆ مۇنداي كاسىپورىنعا ەكى ينۆەستور – ستراتەگيالىق ينۆەستور (اقشاسى كوپ) جانە باسقارۋشى كومپانيا (ەگەر اقشاسى بولسا، وندا ول وپەراسيالىق ينۆەستور) قاجەت ەكەنىن العا تارتادى.

بۇل رەتتە ول Baowu-نى – قىتايداعى جانە الەمدەگى ەڭ ءىرى بولات ءوندىرۋ كومپانياسىن ۇسىنىپ وتىر.

ساراپشى ناقتى ۇسىنىسى ءبىرجاقتى كورىنبەس ءۇشىن امەريكاندىقتار (US steel corp)، ۇندىلىكتەر (tata steel) مەن  رەسەيلىكتەردى (نلمك نەمەسە سيەۆەرستال) شەت قالدىرمادى.

كاسىپورىننىڭ قاۋىپسىزدىگىن قامتاماسىز ەتۋ باستى ورىندا ەكەنى بەلگىلى. سونداي-اق ءونىمدى ەكسپورتتاۋ ماسەلەسى  وزەكتى كۇيىندە قالىپ وتىر.

بۇل جەردە ايتا كەتەرلىك جايت، «كارمەت» ءقازىر بۇكىل الەم بويىنشا جۇمىسىن بىرىزدەندىرگەن ميتتال كاسىپورىندارىنىڭ جۇيەسىندە جۇمىس ىستەيدى جانە باسقا ءوندىرىس ورىندارىنا شيكىزات جەتكىزۋشى بولىپ تابىلادى.

وعان زاۋىتتىڭ توزىعى جەتىپ، ونى ەكسپلۋاتاسيالاۋ قاجەتتىگىن قوسامىز. بۇل –  جاڭا قوجايىن «كارمەت» ونىمدەرىن جەتكىزۋدى جاڭا دەڭگەيگە شىعارۋدان بولەك، كومبيناتتى جاڭارتىپ، ءىستى ءيىرىپ اكەتۋ كەرەك دەگەن ءسوز. ال، ول ءۇشىن اۋقىمدى قارجى قولبايلاۋ بولماۋ كەرەك.

ءبىراق، بۇل ىستە وتكەن وقيعالارعا دا كوز جۇگىرتۋ ماڭىزدى.

2016 جىلى مىڭداعان قازاقستاندىق قىتايلىقتارعا «جەرىمىزدى بەرمەيمىز!» دەگەن ناقتى تالاپپەن ميتينگكە شىقتى. بۇل جەردە كوكەيدە زاڭدى سۇراق تۋىندايدى.

«بالكىم، جۇڭگو كەزەكتى ەكونوميكالىق ەكسپانسياعا جۇگىنىپ، «وزىمىزدىكىلەردى وزىمىزگە  سويلەتىپ»، ال اكتيۆتى «وزدەرىنە» الۋعا جانە قوعامدى سوعان دايىن بولۋعا جۇمىس جۇرگىزىپ جاتقان جوق پا؟!» دەگەن...

سەبەبى، ينۆەستوردى تاعايىنداۋ تۋرالى شەشىمدى قانشا كۇتسەك، سوعۇرلىم «كورشى ايداھاردىڭ» سىبىرىن ەستيتىن ءتارىزدىمىز.

ال ونىڭ سىبىرى ءقازىردىڭ وزىندە پىكىر كوشباسشىلارىنىڭ اۋزىنان اقتارىلىپ جاتقانداي.

تەك ونىڭ سوڭى تالاپ پەن بۇيرىققا ۇلاسىپ كەتپەسىنە كىم كەپىل؟ ويتكەنى، 22ء-نىڭ قاڭتارىندا قىتايلىق اسكەرلەر قازاقستانعا كىرۋگە قامدانعان بولاتىن، ال ونداي جاعداي ورىن العاندا ءبىزدى بۇگىن نە كۇتىپ تۇرعانى دا بەلگىسىز ەدى..."، - دەپ جازادى "دەجۋرنىي KZ". 

https://dalanews.kz/kogam/94973-qazaqstanda-kolengkeli-temeki-narygy