"Dejýrnyi KZ" telegram arnasynyń habarlaýynsha ekonomist Qytai investorlarynyń yǵyna jyǵylyp otyr.
Onyń aitýynsha, tájiribesi tyń jáne qolynda qomaqty qarjysy bar qytailyq investorlar isti órge súireidi.
"Rysmambetov mundai kásiporynǵa eki investor – strategiialyq investor (aqshasy kóp) jáne basqarýshy kompaniia (eger aqshasy bolsa, onda ol operatsiialyq investor) qajet ekenin alǵa tartady.
Bul rette ol Baowu-ny – Qytaidaǵy jáne álemdegi eń iri bolat óndirý kompaniiasyn usynyp otyr.
Sarapshy naqty usynysy birjaqty kórinbes úshin amerikandyqtar (US steel corp), úndilikter (tata steel) men reseilikterdi (NLMK nemese Severstal) shet qaldyrmady.
Kásiporynnyń qaýipsizdigin qamtamasyz etý basty orynda ekeni belgili. Sondai-aq ónimdi eksporttaý máselesi ózekti kúiinde qalyp otyr.
Bul jerde aita keterlik jait, «KarMet» qazir búkil álem boiynsha jumysyn birizdendirgen Mittal kásiporyndarynyń júiesinde jumys isteidi jáne basqa óndiris oryndaryna shikizat jetkizýshi bolyp tabylady.
Oǵan zaýyttyń tozyǵy jetip, ony eksplýatatsiialaý qajettigin qosamyz. Bul – jańa qojaiyn «KarMet» ónimderin jetkizýdi jańa deńgeige shyǵarýdan bólek, kombinatty jańartyp, isti iirip áketý kerek degen sóz. Al, ol úshin aýqymdy qarjy qolbailaý bolmaý kerek.
Biraq, bul iste ótken oqiǵalarǵa da kóz júgirtý mańyzdy.
2016 jyly myńdaǵan qazaqstandyq qytailyqtarǵa «Jerimizdi bermeimiz!» degen naqty talappen mitingke shyqty. Bul jerde kókeide zańdy suraq týyndaidy.
«Bálkim, Qytai kezekti ekonomikalyq ekspansiiaǵa júginip, «ózimizdikilerdi ózimizge sóiletip», al aktivti «ózderine» alýǵa jáne qoǵamdy soǵan daiyn bolýǵa jumys júrgizip jatqan joq pa?!» degen...
Sebebi, investordy taǵaiyndaý týraly sheshimdi qansha kútsek, soǵurlym «kórshi aidahardyń» sybyryn estitin tárizdimiz.
Al onyń sybyry qazirdiń ózinde pikir kóshbasshylarynyń aýzynan aqtarylyp jatqandai.
Tek onyń sońy talap pen buiryqqa ulasyp ketpesine kim kepil? Óitkeni, 22-niń qańtarynda qytailyq áskerler Qazaqstanǵa kirýge qamdanǵan bolatyn, al ondai jaǵdai oryn alǵanda bizdi búgin ne kútip turǵany da belgisiz edi...", - dep jazady "Dejýrnyi KZ".
https://dalanews.kz/kogam/94973-qazaqstanda-kolengkeli-temeki-narygy
