اقىن سارا توقتامىسوۆا بيلىككە باعىتتالعان ءار ءسوزدىڭ سالماقتى بولۋى كەرەگىن ايتتى. ونىڭ پىكىرىنشە، كەيبىر جاس ايتىسكەرلەر ءوزى كورمەگەن ءداۋىر تۋرالى ءسوز قوزعاپ، ارزان بەدەل جيناۋعا تىرىسادى، دەپ حابارلايدى Dalanews.kz.
بۇل تۋرالى ول جۋرناليست دينارا ءساتجانعا بەرگەن سۇقباتىندا مالىمدەدى.
"ايتىس ساحناسىندا حالىقتىڭ كوكەيىندەگى تالاي ماسەلەنى قوزعايمىز. ءبىراق كەيىنگى بۋىننان شىققان كەيبىر اقىندار: "وسى 30 جىلدا كورمەگەنىمىز جوق" دەپ جاتادى. سوندا مەن: "سەن ول كەزدە ومىرگە دە كەلمەگەنسىڭ عوي" دەيمىن"، – دەيدى ول.
سارا توقتامىسوۆا ايتىستارىنىڭ بىرىندە ەلباسى نۇرسۇلتان نازاربايەۆقا قۇرمەت ءبىلدىرىپ، ونى ءۇش ءجۇزدىڭ باسىن قوسقان تۇلعا دەپ سيپاتتاعانىن مىسالعا كەلتىردى. سول ساتتە كونگرەسس-حوللداعى كورەرمەن ورنىنان تۇرىپ، كوزىنە جاس العانىن ەسكە الدى.
"ءقازىر ساحناعا شىعىپ، بيلىكتى سىناۋ سانگە اينالدى. ءبىراق شىن ايتىسكەر – سالماقتى، سابىرلى ءسوز يەسى بولۋى كەرەك. حالىقتىڭ ىستىق قوشەمەتى ءۇشىن ەمەس، شىندىق ءۇشىن سويلەۋ كەرەك"، – دەيدى اقىن.
ول كەي ارىپتەستەرىنىڭ "سەن نازاربايەۆتىڭ قورعاۋشىسى سياقتىسىڭ" دەگەن سوزدەرىنە.
"بۇل – جاعىنۋ ەمەس، مەنىڭ ازاماتتىق ۇستانىمىم"، – دەپ جاۋاپ بەرەتىنىن ايتتى.
"اقىن ءار ويىن سارالاپ، سالماقتاپ جەتكىزۋى كەرەك. ءسوز – جاۋاپكەرشىلىك"، – دەپ قورىتتى ويىن سارا توقتامىسوۆا.
