Aqyn Sara Toqtamysova bilikke baǵyttalǵan ár sózdiń salmaqty bolýy keregin aitty. Onyń pikirinshe, keibir jas aityskerler ózi kórmegen dáýir týraly sóz qozǵap, arzan bedel jinaýǵa tyrysady, dep habarlaidy Dalanews.kz.
Bul týraly ol jýrnalist Dinara Sátjanǵa bergen suqbatynda málimdedi.
"Aitys sahnasynda halyqtyń kókeiindegi talai máseleni qozǵaimyz. Biraq keiingi býynnan shyqqan keibir aqyndar: "Osy 30 jylda kórmegenimiz joq" dep jatady. Sonda men: "Sen ol kezde ómirge de kelmegensiń ǵoi" deimin", – deidi ol.
Sara Toqtamysova aitystarynyń birinde Elbasy Nursultan Nazarbaevqa qurmet bildirip, ony úsh júzdiń basyn qosqan tulǵa dep sipattaǵanyn mysalǵa keltirdi. Sol sátte Kongress-holldaǵy kórermen ornynan turyp, kózine jas alǵanyn eske aldy.
"Qazir sahnaǵa shyǵyp, bilikti synaý sánge ainaldy. Biraq shyn aitysker – salmaqty, sabyrly sóz iesi bolýy kerek. Halyqtyń ystyq qoshemeti úshin emes, shyndyq úshin sóileý kerek", – deidi aqyn.
Ol kei áriptesteriniń "Sen Nazarbaevtyń qorǵaýshysy siiaqtysyń" degen sózderine.
"Bul – jaǵyný emes, meniń azamattyq ustanymym", – dep jaýap beretinin aitty.
"Aqyn ár oiyn saralap, salmaqtap jetkizýi kerek. Sóz – jaýapkershilik", – dep qorytty oiyn Sara Toqtamysova.
