باتىس قازاقستان وبلىسىندا سوت قاتەرلٸ ٸسٸكتٸ دەر كەزٸندە انىقتاماعانى ٷشٸن اۋداندىق اۋرۋحانانى قايتىس بولعان ناۋقاستىڭ وتباسىنا مورالدىق ٶتەماقى تٶلەۋگە مٸندەتتەدٸ, دەپ حابارلايدى dalanews.kz.
وبلىستىق سوتتىڭ مەلٸمەتٸنشە, 2023 جىلدىڭ جەلتوقسانىندا بەيتەرەك اۋدانىنىڭ تۇرعىنى №2 اۋداندىق اۋرۋحاناعا جيٸ قۇسۋ جەنە نەجٸسٸنٸڭ قارايۋى بويىنشا شاعىمدانىپ جٷگٸنگەن. الايدا ەمدەۋ شامامەن توعىز ايعا سوزىلىپ, تەك كەيٸنٸرەك وعان ونكولوگييالىق اۋرۋ دياگنوزى قويىلعان. ەر ادام 2024 جىلدىڭ تامىز ايىندا كٶز جۇمعان.
سوت دەرٸگەردٸڭ زەرتحانالىق تالداۋلاردىڭ نەتيجەلەرٸنە تيٸستٸ باعا بەرمەگەنٸن, كلينيكالىق حاتتامالاردى ساقتاماعانىن, ناۋقاستى بەيٸندٸ ماماندارعا ۋاقىتىلى جٸبەرمەگەنٸن جەنە پاتوگيستولوگييالىق زەرتتەۋ قورىتىندىسىنان كەيٸن ونكولوگقا جولداۋدى كەشٸكتٸرگەنٸن انىقتادى.
مارقۇمنىڭ جۇبايى مەن بالاسى مورالدىق زييان ٷشٸن اۋرۋحانادان ەرقايسىسىنا 10 ملن تەڭگەدەن ٶندٸرٸپ بەرۋدٸ سۇراعان.
سوت تالاپ ارىزدى ٸشٸنارا قاناعاتتاندىرىپ, «بەيتەرەك اۋدانىنىڭ №2 اۋرۋحاناسى» كوممۋنالدىق مەملەكەتتٸك كەسٸپورنىن تالاپكەرلەردٸڭ ەرقايسىسىنا 700 مىڭ تەڭگەدەن ٶتەماقى تٶلەۋگە مٸندەتتەدٸ.
سوت ازاماتتىق كودەكستٸڭ 921-بابىنا سەيكەس, قىزمەتكەر ەڭبەك مٸندەتتەرٸن ورىنداۋ بارىسىندا كەلتٸرگەن زييان ٷشٸن جۇمىس بەرۋشٸ جاۋاپتى ەكەنٸن اتاپ ٶتتٸ. وسىعان بايلانىستى قارجىلىق جاۋاپكەرشٸلٸك مەديتسينالىق مەكەمەگە جٷكتەلدٸ.
سوت شەشٸمٸ ەزٸرگە زاڭدى كٷشٸنە ەنگەن جوق.
