“سامۇرىق-قازىنا” قورى “قازمۇنايگاز” ۇلتتىق كومپانيياسىنان استاناداعى كەڭسە عيماراتىن 28 ملرد تەڭگەگە ساتىپ العان. بۇل مەمٸلە 2024 جىلدىڭ سوڭىندا جٷزەگە اسقان, دەپ حابارلايدى Dalanews.kz.
بۇل جٶنٸندەگٸ اقپارات Adata اقپاراتتىق بازاسىندا جارييالانعان. الايدا كەلٸسٸمشارتتىڭ ٶزٸ قوسا تٸركەلمەگەن. Ratel باسىلىمى “سامۇرىق-قازىنا” قورىنان ساتىپ الىنعان عيماراتتىڭ تەحنيكالىق سيپاتتامالارى تۋرالى سۇراۋعا تىرىسقان.
الايدا قور ٶكٸلدەرٸ سۇراقتاردىڭ باسىم بٶلٸگٸنە جاۋاپ بەرمەي, تەك مەمٸلەنٸڭ بولعانىن راستادى.
“سامۇرىق-قازىنا” اق “قازمۇنايگاز” اق-دان كەڭسە عيماراتىن ساتىپ الۋدى كورپوراتيۆتٸك رەسٸمدەر اياسىندا جٷزەگە اسىرعانىن راستايدى. كەلٸسٸم قۇنىنا عيماراتتىڭ ٶزٸمەن قاتار, ونىڭ تولىققاندى جۇمىس ٸستەۋٸ ٷشٸن قاجەتتٸ بارلىق جىلجىمالى مٷلٸك – كەڭسە جابدىقتارى, قاۋٸپسٸزدٸك جەنە ينجەنەرلٸك جٷيەلەر دە كٸردٸ. قازٸرگٸ تاڭدا عيمارات مەملەكەتتٸك مەنشٸككە بەرٸلدٸ. ونىڭ نەگٸزگٸ پايدالانۋشىلارى – قر ەنەرگەتيكا مينيسترلٸگٸ مەن سىبايلاس جەمقورلىققا قارسى ٸس-قيمىل اگەنتتٸگٸ”, – دەپ مەلٸمدەدٸ قور ٶكٸلدەرٸ.
الايدا “سامۇرىق-قازىنا” عيماراتتىڭ مەملەكەتتٸك مەنشٸككە قانداي شارتتارمەن بەرٸلگەنٸن ناقتىلامادى.
قاي عيمارات تۋرالى سٶز بولىپ وتىر?
28 ملرد تەڭگەگە ساتىپ الىنعان عيمارات استانادا, قابانباي باتىر داڭعىلى, 19 مەكەنجايىندا, ا جەنە ب بلوكتارىندا ورنالاسقان.
“بۇل – اتاقتى “قازمۇنايگاز” ەكٸمشٸلٸك كەشەنٸ, اينالاسىن شاعىلىستىراتىن ەينەكپەن قاپتالعان, شپيلدەرٸ مەن اركاسى بار عيمارات. ول «حان شاتىر» ساۋدا ورتالىعىنا قاراما-قارسى ورنالاسقان. باق دەرەكتەرٸنە سٷيەنسەك, كەشەننٸڭ جالپى اۋدانى 70 000 شارشى مەتر. ونىڭ بٸرنەشە بٶلەك بلوگى بار, بيٸكتٸگٸ 7 قاباتتان 18 قاباتقا دەيٸن جەتەدٸ”, – دەلٸنگەن باسىلىم ماتەريالىندا.
عيماراتتىڭ ٸشٸندە نە بار?
جۋرناليستەردٸڭ مەلٸمەتٸنشە, عيمارات ٸشٸندە كونفەرەنتس-زال, ٷلكەن اسحانا, ترەناجەر زالى, تٸپتٸ باسكەتبول الاڭى دا بار.
ال “قازمۇنايگاز” تۋرالى ايتاتىن بولساق, كومپانييانىڭ رەسمي سايتىنداعى اقپاراتقا سەيكەس, ولار بۇرىنعى كەڭسەسٸنەن كٶشٸپ, “يزۋمرۋدنىي كۆارتال” بيزنەس ورتالىعىنا ورنالاسقان.
