سامات نۇرتازا: «كونستيتۋتسييالىق رەفورما بارلىق سالاعا ٶزگەرٸس ەكەلەدٸ»
ساياسي رەفورمالارعا كەلەتٸن بولساق, كونستيتۋتسييالىق كوميسسييانىڭ ەنگٸزگەن ٶزگەرٸستەرٸ بويىنشا, بارلىق سالادا جاڭالىقتار كٷتٸلٸپ وتىر. پارتييالارعا تالاپتار تٶمەندەتٸلەدٸ, ٶلٸم جازاسى بولمايدى. ەڭ باستىسى تۇڭعىش پرەزيدەنتتٸڭ ستاتۋسى ٶزگەرەدٸ. ياعني ول تەك قانا تۇڭعىش پرەزيدەنت بولىپ قالادى دا, قالعان بارلىق ەرەكشەلٸكتەرٸ, قوسىمشا يگٸلٸكتەرٸ جويىلادى. «تۋعان-تۋىسقاندارى ەكٸمشٸلٸك-قىلمىستىق كودەكسپەن قۋدالانبايدى, نە ٸستەسە دە ولاردى سوتتاۋعا بولمايدى» دەگەن نەرسەلەردٸڭ بارلىعى جويىلادى دا, تەك قانا سيمۆول رەتٸندە, مەملەكەتتٸڭ نەگٸزٸن قالاعان ادام رەتٸندە قالادى, – دەدٸ ول.
سونداي-اق سامات نۇرتازا قازاقستاندا نۇرسۇلتان نازارباەۆتىڭ ستاتۋسىنا قاتىستى ساياسي رەفورمانىڭ كەيبٸر تۇستارىمەن كەلٸسپەيتٸن اشۋلى توپ بارىن دا اتاپ ٶتتٸ.
ەرينە, «1991 جىلعا دەيٸن قازاقتاردا مەملەكەت بولدى عوي, نەگە ول كٸسٸنٸ بٸرٸنشٸ ادام دەپ ايتاسىڭدار» دەگەن اشۋلى توپ بار بٸزدٸڭ قوعامدا, ونى جاسىرۋعا بولمايدى. بٸراق بۇل جەردە ايتا كەتەتٸن نەرسە, بٸز رەسەي يمپەريياسىنا بودان بولعانعا دەيٸن بٸزدە حاندىقتار, سۇلتاندىقتار بولدى, بٸراق رەسپۋبليكا بولعان جوق. مەنٸڭ ويىمشا, بۇل جەردە رەسپۋبليكانىڭ نەگٸزٸن قالاعان دەسە, دۇرىسىراق بولار ەدٸ. ال كەڭەس وداعىنىڭ قۇرامىندا رەسپۋبليكا بولدىق, بٸراق ول ەگەمەندٸ بولعان جوق. بٷگٸنگٸ رەسەيدەگٸ شەشەنستان, تاتارستان, ياكۋتييا سيياقتى بولدىق. سوندىقتان مۇنىڭ ارا جٸگٸن اجىراتا بٸلۋ كەرەك دەپ ويلايمىن», – دەدٸ ساياساتتانۋشى.
دەرەككٶزٸ: baq.kz
