Samat Nurtaza: «Konstitýtsiialyq reforma barlyq salaǵa ózgeris ákeledi»
Saiasi reformalarǵa keletin bolsaq, konstitýtsiialyq komissiianyń engizgen ózgeristeri boiynsha, barlyq salada jańalyqtar kútilip otyr. Partiialarǵa talaptar tómendetiledi, ólim jazasy bolmaidy. Eń bastysy tuńǵysh prezidenttiń statýsy ózgeredi. Iaǵni ol tek qana tuńǵysh prezident bolyp qalady da, qalǵan barlyq erekshelikteri, qosymsha igilikteri joiylady. «Týǵan-týysqandary ákimshilik-qylmystyq kodekspen qýdalanbaidy, ne istese de olardy sottaýǵa bolmaidy» degen nárselerdiń barlyǵy joiylady da, tek qana simvol retinde, memlekettiń negizin qalaǵan adam retinde qalady, – dedi ol.
Sondai-aq Samat Nurtaza Qazaqstanda Nursultan Nazarbaevtyń statýsyna qatysty saiasi reformanyń keibir tustarymen kelispeitin ashýly top baryn da atap ótti.
Árine, «1991 jylǵa deiin qazaqtarda memleket boldy ǵoi, nege ol kisini birinshi adam dep aitasyńdar» degen ashýly top bar bizdiń qoǵamda, ony jasyrýǵa bolmaidy. Biraq bul jerde aita ketetin nárse, biz Resei imperiiasyna bodan bolǵanǵa deiin bizde handyqtar, sultandyqtar boldy, biraq respýblika bolǵan joq. Meniń oiymsha, bul jerde respýblikanyń negizin qalaǵan dese, durysyraq bolar edi. Al Keńes Odaǵynyń quramynda respýblika boldyq, biraq ol egemendi bolǵan joq. Búgingi Reseidegi Sheshenstan, Tatarstan, Iakýtiia siiaqty boldyq. Sondyqtan munyń ara jigin ajyrata bilý kerek dep oilaimyn», – dedi saiasattanýshy.
Derekkózi: baq.kz
