ونىڭ ايتۋىنشا، 2021 جىلدىڭ 11 ايىنىڭ قورىتىندىسى بويىنشا مەملەكەتتىك بيۋدجەتكە سالىق تۇسىمدەرى وتكەن جىلدىڭ سايكەس كەزەڭىمەن سالىستىرعاندا 28،7%-عا ءوستى.
قالالىق بيۋدجەت الەۋمەتتىك باعدارلانعان، الەۋمەتتىك سالاعا 47% تيەسىلى. شىعىنداردىڭ نەگىزگى باپتارى – ءبىلىم بەرۋ، دەنساۋلىق ساقتاۋ، الەۋمەتتىك ءال-اۋقات، سپورت، مادەنيەت جانە تۋريزم.
قالعان قارجى تۇرعىن ۇي-كوممۋنالدىق شارۋاشىلىقتى، كولىك ينفراقۇرىلىمىن دامىتۋعا، اباتتاندىرۋعا، كوگالداندىرۋعا، قوعامدىق ءتارتىپ پەن قاۋىپسىزدىكتى قامتاماسىز ەتۋگە جۇمسالادى.
پاندەميانىڭ بارلىق قيىندىقتارىنا جانە وعان بايلانىستى شەكتەۋلەرگە قاراماستان، الماتى ەكونوميكاسى قالپىنا كەلۋدىڭ جوعارى قارقىنىن كورسەتۋدە. جىل باسىنان بەرى الماتى ەكونوميكاسى 5،5%-عا ءوسىپ، 5،8 ترلن تەڭگەنى قۇرادى.
الماتى – ينۆەستورلار ءۇشىن تارتىمدى قالا. بۇگىندە جالپى ينۆەستيسيا كولەمى 54،3 ملرد تەڭگە بولاتىن قىزمەت كورسەتۋ سالاسىندا ءبىرقاتار جوبالار ىسكە اسىرىلدى. بۇل – قۇنى قىمبات تۇراتىن Holiday Inn Express قوناق ءۇي كەشەنى، Swissotel Wellness Resort Alatau ەمدەۋ-ساۋىقتىرۋ كەشەنى.
وسى ايدىڭ وزىندە Ibis جانە Novotel حالىقارالىق برەندتەرىمەن كوپفۋنكسيونالدى «جەتىسۋ» قوناق ءۇي كەشەنى اشىلادى.
قۇنى 85 ملرد تەڭگە بولاتىن الماتىداعى حالىقارالىق اۋەجايدىڭ جاڭا تەرمينالىن سالۋ ماڭىزدى جوبا بولۋى ءتيىس، بۇل جولاۋشىلار اعىنىن جىلىنا 6 ملن ادامعا دەيىن، وتكىزۋ قۋاتىن – 2،5 ەسەگە ارتتىرادى.
اعىمداعى جىلى بوستاندىق اۋدانىندا De Montfort Kazakhstan ۋنيۆەرسيتەتىنىڭ كامپۋسى سالىندى. مەدەۋ اۋدانىندا ۋنيۆەرسيتەت كامپۋسىن سالۋ جوسپارلانۋدا.
اعىمداعى جىلدىڭ اقپان ايىندا «High Tech Academy» جەكە حالىقارالىق يننوۆاسيالىق مەكتەبى جوباسى ىسكە اسىرىلدى. ناۋرىز ايىندا مەدەۋ اۋدانىندا «Helmer» مەديسينالىق-وڭالتۋ ورتالىعى اشىلدى.
قىركۇيەك ايىندا ونكولوگيا جانە راديولوگيا ينستيتۋتىنىڭ عيماراتىندا توموتەراپيا ورتالىعىنىڭ اشىلۋى ءوتتى، وندا ينۆەستور دەنساۋلىق ساقتاۋ سالاسىنداعى تۇرىك كومپانياسى «Orhun Medical» بولدى.
ساۋدا سالاسىندا دا جوبالار پىسىقتالۋدا، ولار: لەرۋا مەرلەن ەكىنشى ساۋدا ورتالىعىنىڭ؛ Volkswagen جانە Mercedes Benz ديلەرلىك ورتالىعىنىڭ قۇرىلىسى.
قالانىڭ ونەركاسىپ سالاسى دا ينۆەستورلار ءۇشىن تارتىمدى. قالادا يندۋستريالىق ايماق بار، وندا وتكەن جىلى «Hyundai Trans Kazakhstan» جەڭىل اۆتوموبيلدەر زاۋىتى، «Asia Steel Pipe Corporation» قۇبىر ونىمدەرىن شىعاراتىن زاۋىت سالىندى. جاڭا جوبالار پىسىقتالۋدا: «CELKONSAN Stroy» مەتالل قورشاۋلار شىعاراتىن زاۋىت جانە «Panelsan» سەندۆيچ-پانەلدەرىن شىعاراتىن زاۋىتتار جوبالارى پىسىقتالۋدا.
قالانىڭ يندۋستريالىق الەۋەتى 10 ايدا 18،9%-دى قۇرادى. قازىرگى ۋاقىتتا الماتىنىڭ يندۋستريالىق ايماعىنا قاتىسۋشىلاردىڭ قۇرامىنا «Halavet Gida Sanayive Ticaret A. S.» تۇرىك كومپانياسىن جەلاتين ءوندىرۋ زاۋىتىن سالۋ جوباسىمەن قوسۋ ماسەلەسى پىسىقتالۋدا.
اعىمداعى جىلدىڭ 10 ايىندا نەگىزگى كاپيتالعا سالىنعان ينۆەستيسيالار 15% وسىممەن 873 (873،7) ملرد تەڭگەدەن استى. جىل باسىنان بەرى ونەركاسىپتە 18% ءوسىم قامتاماسىز ەتىلدى. بولشەك ساۋدا كولەمى 12،7%-عا ءوسىپ، 3،3 ترلن تەڭگەنى، كوتەرمە ساۋدا – 2،3%-عا، 8،7 ترلن تەڭگەگە دەيىن جەتتى. قۇرىلىستا 22،2% ءوسىم قامتاماسىز ەتىلدى. جىل باسىنان بەرى ينفلياسيا 7،6%-دى قۇرادى.
شوب قالا ەكونوميكاسىنىڭ بارلىق سالالارىندا بار: قىزمەت كورسەتۋ، ساۋدا، قۇرىلىس جانە ونەركاسىپ. جىل باسىنان بەرى شاعىن بيزنەستى نەسيەلەۋ 1،4 ەسە ءوستى. قالالىق باعدارلامالار بويىنشا نەسيەلەۋ بيۋدجەتى وتكەن جىلمەن سالىستىرعاندا 55%-عا (49،5 ملرد تەڭگەگە) وسكەنىن اتاپ وتكەن ءجون. قالانىڭ تىنىش اۋداندارىندا (الاتاۋ، ناۋرىزباي، جەتىسۋ، تۇركسىب اۋداندارى)كاسىپكەرلىكتى دامىتۋدى ىنتالاندىرۋ ءۇشىن بيزنەسكە 5%-بەن نەسيە بەرۋ ۇسىنىلادى.
كاسىپكەرلىك سۋبەكتىلەرى 30 مىڭ جۇمىس ورنىن، «نۇرلى جەر» مەملەكەتتىك باعدارلاماسى اياسىندا - 2680 بىرلىك، بيزنەستىڭ جول كارتاسى – 1621، ءبىلىم بەرۋدى دامىتۋ باعدارلاماسى بويىنشا – 2690، ييدمب – 868، اوك - 200، وڭىرلەردى دامىتۋ باعدارلاماسى بويىنشا - 282) تۋريستىك سالا باعدارلاماسى بويىنشا - 145، جقجك – 1374، باسقالارى بويىنشا - 25 مىڭ ورىندى قۇرايدى.
