ريددەر قالاسىنا جۇمىس ساپارى بارىسىندا شىعىس قازاقستان وبلىسىنىڭ اكىمى ءبىرىنشى كەزەكتە «بوتانيكا» جاڭا شاعىن اۋدانىنا بارىپ، ءىرى ورمان ورتىنەن زارداپ شەككەن ۇيلەردىڭ قۇرىلىس بارىسىن تەكسەردى. بۇگىندە 32 باسپانانىڭ قۇرىلىسى اياقتالۋعا جاقىن.
قازىرگى ۋاقىتتا بىرنەشە ۇيدە ارلەۋ جۇمىستارى جالعاسۋدا، سونىمەن قاتار جولداردى اباتتاندىرۋ جانە اسفالتتاۋ جۇمىستارى جۇرگىزىلۋدە، جاقىندا سۋ مەن ەلەكتر ەنەرگياسى قوسىلادى.
جوسپار بويىنشا العاشقى تۇرعىندار جاڭا تۇرعىن ۇيلەرگە 18 شىلدەدە، قالعاندارى – 15 تامىزعا دەيىن كىرۋى ءتيىس. بارلىق تۇرعىن ءۇي تولىعىمەن دايىن تۇردە تاپسىرىلادى، ءتىپتى ءارقايسىسىندا اس ءۇي جيھازى ورناتىلادى. ورتكە دەيىن شاعىن عانا باسپاناسى بولعان تۇرعىندار دا 80 شارشى مەترلىك كەڭ ۇيگە قول جەتكىزەدى.
قالا تۇرعىندارىمەن كەزدەسۋ بارىسىندا ءوڭىر باسشىسى ورتتەن كەلتىرىلگەن زالالدى ەسەپتەۋ جونىندەگى كوميسسيانىڭ جۇمىسى اياقتالعانىن جانە 7 شىلدەدەن باستاپ ادامدار وتەماقى تولەمدەرىن الا باستايتىنىن حابارلادى.
سونداي-اق، دانيال احمەتوۆ كوپ بالالى وتباسىلارمەن جۇزدەستى. ولار بەلگىسىز ادامداردىڭ ينتەرنەتتە ۇيلەردىڭ ساپاسىز سالىنعانى تۋرالى جازعان پىكىرلەرىنە وكىنىش ءبىلدىردى. انالاردىڭ ايتۋىنشا، قۇرىلىسشىلار ساپالى جۇمىس ىستەۋدە. ءتىپتى تۇرعىندارعا قۇرىلىس الاڭدارىنا بارۋعا جانە قۇرىلىسشىلارعا ءوز تىلەكتەرىن بىلدىرۋگە رۇقسات ەتىلىپتى. سوزدەرىنىڭ دالەلى رەتىندە قالا تۇرعىندارى جاڭا ۇيلەرىن كورسەتىپ، وبلىس اكىمىن قونىس تويعا شاقىردى.
– بۇگىندە ريددەر قالاسىندا تۇرعىن ءۇي الۋ كەزەگىندە 45 كوپ بالالى وتباسى تۇر، ولاردىڭ 20-سى وسى جىلدىڭ وزىندە-اق ءوز باسپانالارىنا يە بولادى. ولار ءۇشىن جايلى ءارى كەڭ ۇيلەر «بوتانيكا» شاعىن اۋدانىندا سالىنۋدا، – دەدى وبلىس اكىمى.
ساپار سوڭىندا د.احمەتوۆ ريددەردەگى ۆاكسيناسيالاۋ بارىسىمەن تانىستى. قالادا 10 ستاسيونارلىق جانە ءبىر جىلجىمالى ەكپە سالۋ پۋنكتى جۇمىس ىستەيدى. ولاردىڭ بارلىعى مەرەكە جانە دەمالىس كۇندەرى دە جۇمىس ىستەۋدە، ويتكەنى قىزمەتكە دەگەن سۇرانىس ارتقان.
– شىعىس قازاقستان وبلىسىندا مەديسينا قىزمەتكەرلەرى مەن كۇش قۇرىلىمدارىنىڭ 100%-ى ەكپە الدى. رەسپۋبليكانىڭ باس سانيتارلىق دارىگەرىنىڭ قاۋلىسىنا سايكەس ءقازىر ۆاكسيناسيا ستۋدەنتتەر مەن مۇعالىمدەر، سونداي-اق قىزمەت كورسەتۋ سالاسىندا جۇمىس ىستەيتىن ازاماتتار اراسىندا بەلسەندى جۇرگىزىلۋدە، – دەدى ايماق باسشىسى جەرگىلىكتى ب ا ق وكىلدەرىنە.
