رۋدنىي

21 قاراشا كٷنٸ رۋدنىي قالاسىندا كٶشە اتاۋلارىن ٶزگەرتۋگە ارنالعان تاريحي قوعامدىق تىڭداۋ ٶتتٸ. Dalanews.kz تٸلشٸسٸ داۋعا اينالعان مەسەلەگە شولۋ جاسادى. 

تىڭدالىمدا يۆان فرانكو كٶشەسٸن - ەلييا مولداعۇلوۆا, ال 50 لەت وكتيابريا كٶشەسٸن - دوستىق دەپ ٶزگەرتۋ مەسەلەسٸ قارالدى. جيىن كەزٸندە رۋدنىي قالاسىنداعى كٶشەلەر اتاۋىن ٶزگەرتۋگە 14 دەپۋتاتتىڭ 12-سٸ داۋىس بەردٸ. "نگ" مەلٸمەتٸنشە, دەپۋتات ازامات ىسقاقوۆ داۋىس بەرمەگەن, سەبەبٸ ول مەسليحات كوميسسيياسىنىڭ تۇراقتى مٷشەلٸگٸندە ەمەس. وسىلايشا قالاداعى كٶشەلەر اتاۋىن ٶزگەرتۋدٸ 10 دەپۋتات قولداپ, تەك بٸرەۋٸ - "گورنياك" مەدەني ويىن-ساۋىق ورتالىعىنىڭ ديرەكتورى ۆالەريي گيرفانوۆ قارسى شىققان. 

قوعامدىق تىڭداۋ كەزٸندەگٸ داۋلى وقيعا

رۋدنىي قالاسىنىڭ بەلسەندٸسٸ ەرٸ جەرگٸلٸكتٸ اۆتومەكتەپتٸڭ ديرەكتورى ەكاتەرينا كورچاگينا تىڭداۋ كەزٸندەگٸ سٶزٸمەن قىزۋ تالقىعا تٷستٸ. ول ٶز سٶزٸندە كەڭەس مەملەكەتٸنٸڭ «ۇلى رٶلٸ» تۋرالى بايانداما جاساپ, وسىلايشا كٶشە اتاۋلارىنىڭ قازاقشالانۋىنا كەلٸسپەيتٸنٸن بٸلدٸردٸ.

ودان كەيٸن ول ٶز-ٶزٸن ۇستاي الماعانداي كٶرٸنٸپ, بٸردەن «بٸز بۇل قالانى سٸزدەرگە سىيلادىق» دەگەن سيياقتى ٶكتەم ەڭگٸمەلەرگە كٶشتٸ. بٸر سەتتە وعان رەگلامەنتتەن اسىپ بارا جاتقانى ەسكەرتٸلٸپ ەدٸ, كورچاگينا: 

"سەندەردٸڭ رەگلامەنتتەرٸڭە تٷكٸرگەنٸم بار!", - دەپ ايعايلاعان. 

بۇل سٶزدەن كەيٸن ابدىراپ قالعان قالالىق مەسليحاتتىڭ تٶراعاسى ازامات ىسقاقوۆ پوليتسييا شاقىرىپ, وعان قاتىستى ارىز جازدى. پوليتسييا كورچاگينانى عيماراتتان كٷشتەپ شىعارىپ جٸبەردٸ.

ارتىنشا ەكاتەرينا كورچاگينا ەلەۋمەتتٸك جەلٸدە قورلاۋىن جالعاستىرعان. 

"تاعى بٸر جايت. مەن: “اتاۋىن ٶزگەرتكەننەن كەيٸن نە, جولدارىمىز جٶندەلە مە, ٶمٸرٸمٸز جاقسارا ما, جاڭا جۇمىس ورىندارى اشىلا ما, بٸز ٶزٸمٸزدٸ تەڭ ۇستاي باستايمىز با, ال سٸزدەردٸڭ بالالارىڭىز اينالانى بىلعاۋدى قويا ما?” دەگەن سٶزدەن كەيٸن ولار قالاي اشۋلانعانىن كٶرسەڭٸزدەر. سٸز “بالالار دەپ نەنٸ مەڭزەپ وتىرسىز?” دەپ سۇراي باستادى. مەن بۇرىش-بۇرىشقا تٷكٸرەتٸندەردٸ عانا ەمەس, تەرەزەدەن قوقىس لاقتىراتىن, ونى پودەزگە شىعارىپ تاستايتىنداردى ايتتىم. بالالاردىڭ ويىن الاڭدارىن سىندىراتىنداردى, ورىن-ورىندى تٷكٸرٸكتەرٸمەن, قابىقتارىمەن, كٸر-قوقىستارىمەن لاستايتىن بارلىق شوشقالاردى ايتتىم",  - دەيدٸ كورچاگينا. 

ەلەۋمەتتٸك جەلٸ قولدانۋشىلارى بەلسەندٸنٸ وسى سٶزٸنەن كەيٸن قاماۋعا الۋدى تالاپ ەتٸپ, كەيبٸرٸ e-otinish پورتالى ارقىلى ونىڭ ٷستٸنەن ارىز دا جازعان. 

جەلٸدەگٸ تالقىلاۋ

بۇل مەسەلە ەلەۋمەتتٸك جەلٸدە بٸرنەشە كٷننەن بەرٸ قىزۋ تالقىلانىپ جاتىر. قالادا تۇرعان اراي ەسٸمدٸ تۇرعىننىڭ سٶزٸنشە, ايماقتا قازاق تٸلٸنە دەگەن قۇرمەت جوق. 

"رۋدنىيدا مەن دە تۇردىم, جۇمىس ٸستەدٸم. قازاق تٸلٸڭە دەگەن قۇرمەت 0! مۇنى ەكٸمشٸلٸك ٸشٸنەن باستاپ قالا تۇرعىندارىنىڭ كٶپشٸلٸگٸنەن بايقادىم. كٶشەلەرٸنٸڭ 90 پايىزى ورىسشا اتالىنعان, تٸپتٸ ابايدىڭ اتىندا كٶشە جوق. كٶشە اتىن اۋىستىرايىق دەسە قالا تۇرعىندارى قول جيناپ كٶتەرٸلەمٸز دەپ شىعادى. 3 قانا قازاق مەكتەبٸ بار. مەدەني وشاقتارىندا دا كٶبٸنە قىزمەت ەتەتٸندەر ورىس ۇلتىنىڭ ازاماتتارى. قيىن جاعداي. ٶزگەرەتٸنٸنە كٷمەنٸم بار… ".

ەرنۇر كەنجەبەكوۆ ەسٸمدٸ تاعى بٸر قازاقستاندىقتىڭ سٶزٸنشە, كٶشەلەرگە قازاقى اتاۋلار بەرۋ - رۋحاني تەۋەلسٸزدٸگٸمٸزدٸ ايقىندايتىن ٷلكەن قادام ەكەنٸن اتاپ ٶتتٸ. 

"قازاق تٸلٸنٸڭ مەرتەبەسٸن كٶتەرۋ - ەلدٸگٸمٸزدٸڭ ەڭ ماڭىزدى تٸرەكتەرٸنٸڭ بٸرٸ. رۋدنىي قالاسىنىڭ كٶشەلەرٸنە, تٸپتٸ قالا اتاۋىنىڭ ٶزٸنە قازاقى اتاۋلار بەرۋ - رۋحاني تەۋەلسٸزدٸگٸمٸزدٸ ايقىندايتىن ٷلكەن قادام بولار ەدٸ. بۇل ٶڭٸردٸڭ مەدەنيەتٸنە, تاريحىنا جاناشىرلىق تانىتىپ, قازاق رۋحانيياتى ٷشٸن ايانباي ەڭبەك ەتكەن ٶزبەكەلٸ اعامىزدىڭ اماناتىنا دا ساي كەلەدٸ. تٸلٸمٸزدٸ قۇرمەتتەۋ, جەرٸمٸزدٸڭ اتاۋىن تٷگەندەۋ - ۇرپاق الدىنداعى جاۋاپكەرشٸلٸك. قازاق تٸلٸن كٷندەلٸكتٸ ٶمٸردە كەڭٸنەن قولدانۋعا جازسىن!". 

سونىمەن قاتار, قازاقستاندىقتار رۋدنىي قالاسىنداعى كٶشەلەردٸ عانا ەمەس, قالا اتاۋىن دا قازاقىلاندىرۋ كەرەگٸن دە جارىسا جازىپ جاتىر. بٸرٸ جاڭا اتاۋ رەتٸندە كەڭقالانى ۇسىنسا, ەندٸ بٸرٸ سارىباي دەپ اتاۋدى ۇسىنعان. 

ايتا كەتەيٸك, دەپۋتاتتاردىڭ تىڭدالىمداعى شەشٸمٸ تٷپكٸلٸكتٸ شەشٸم ەمەس. ەندٸ قوعامدىق تىڭداۋ ماتەريالدارىن رەسپۋبليكالىق ونوماستيكالىق كوميسسييا ماقۇلداۋى قاجەت.