قازاقستاننىڭ حالىق ەرتٸسٸ روزا رىمباەۆا جاقىندا عانا ەنە اتاندى. العاش رەت قۇداعي اتانعان ەنشٸ تويدىڭ قىزىقتارىن ايتتى. اقەركە بٷركٸتبايدىڭ ۇزاتۋ تويى ٶتكەنٸمەن ٷلكەن تويدىڭ اۋىلى الىس. ونىڭ سەبەبٸن روزا قۋانىشقىزى ٶزٸ تٷسٸندٸرٸپ بەردٸ.
روزا قۋانىشقىزى كەلٸنٸنٸڭ تۋعان قالاسى اتىراۋعا بارىپ, ۇزاتىپ الدى. قازاقتىڭ سالت-دەستٷرٸنە ساي قۇدا تٷسٸپ, قورجىن بەرٸپ كەلٸنٸن الىپ قايتقانىن ايتادى.
"اقەركەنٸڭ تۋعان قالاسىنا بارىپ, اتا-اناسىمەن تانىستىق. بەس ادام بولىپ باردىق. قازاقتىڭ سالتىنا ساي, اتا-اناسىمەن تانىسىپ, سىرعا سالىپ, قۇدا تٷستٸك. قازاقپىز عوي. سوندىقتان قازاقتىڭ دەستٷرٸنە ساي بارلىق جورالعىنى جاسادىق. كيٸتٸن بەرٸپ, قورجىنىن جاسادىم. توي ٷلكەن بولعان جوق, شاعىن عانا اداممەن قۇدالارىمىزدىڭ ٷيٸندە بولدى. بٸز بٸر كٷندە بارىپ, بٸر كٷندە قايتىپ كەتتٸك", - دەدٸ حالىق ەرتٸسٸ.
ايتۋىنشا, ۇزاتۋ تويدى شاعىنداپ اتاپ ٶتكەنٸمەن ٷلكەن تويدى جاساۋعا اسىق ەمەس. وعان قازٸرگٸ كٷردەلٸ جاعداي سەبەپ. كارانتين تالاپتارىن بۇزباي, بەرٸ تىنىشتالعاندا عانا تويلايتىنىن اتاپ ٶتتٸ.
"توي جاساۋعا دايىندالىپ جاتقان جوقپىز. كارانتين قاشان تولىعىمەن بٸتەدٸ, سول كەزدە جاسايمىز. سەبەبٸ توي تويلاۋعا حاقىمىز جوق. ونىڭ ٷستٸنە حالىق اۋىرىپ جاتقاندا قايداعى توي", - دەدٸ روزا رىمباەۆا.
باتىس جۇرتىمەن قۇدا بولعان ەنشٸ كەلٸن-بالاسىمەن بٸرگە تۇرمايمىن دەپ شەشكەن. تۇڭعىشىنا ەنشٸسٸن بەرٸپ, بٶلەك شىعارماق نيەتتە.
"ەلي مەن اقەركە بٸزبەن بٸرگە تۇرمايدى. بٶلەك تۇرادى, بٸراق كٶرشٸ بولامىز. بٸر اۋلادا تۇرامىز", - دەدٸ روزا قۋانىشقىزى. كٷنٸ كەشە اتىراۋ قالاسىندا بويجەتكەننٸڭ ۇزاتۋ تويى دٷركٸرەپ ٶتتٸ. ٶنەردەگٸ ەرٸپتەستەرٸ مەن جەلٸدەگٸ وقىرماندارىن ەكٸ جاسقا باقىت تٸلەپ, اق تٸلەگٸن ارناپ جاتىر.
دەرەككٶز: stan.kz
