Qazaqstannyń halyq ártisi Roza Rymbaeva jaqynda ǵana ene atandy. Alǵash ret qudaǵı atanǵan ánshi toıdyń qyzyqtaryn aıtty. Aqerke Búrkitbaıdyń Uzatý toıy ótkenimen úlken toıdyń aýyly alys. Onyń sebebin Roza Qýanyshqyzy ózi túsindirip berdi.

Roza Qýanyshqyzy kelininiń týǵan qalasy Atyraýǵa baryp, uzatyp aldy. Qazaqtyń salt-dástúrine saı quda túsip, qorjyn berip kelinin alyp qaıtqanyn aıtady.

"Aqerkeniń týǵan qalasyna baryp, ata-anasymen tanystyq. Bes adam bolyp bardyq. Qazaqtyń saltyna saı, ata-anasymen tanysyp, syrǵa salyp, quda tústik. Qazaqpyz ǵoı. Sondyqtan qazaqtyń dástúrine saı barlyq joralǵyny jasadyq. Kıitin berip, qorjynyn jasadym. Toı úlken bolǵan joq, shaǵyn ǵana adammen qudalarymyzdyń úıinde boldy. Biz bir kúnde baryp, bir kúnde qaıtyp kettik", - dedi halyq ártisi.

Aıtýynsha, uzatý toıdy shaǵyndap atap ótkenimen úlken toıdy jasaýǵa asyq emes. Oǵan qazirgi kúrdeli jaǵdaı sebep. Karantın talaptaryn buzbaı, bári tynyshtalǵanda ǵana toılaıtynyn atap ótti.

"Toı jasaýǵa daıyndalyp jatqan joqpyz. Karantın qashan tolyǵymen bitedi, sol kezde jasaımyz. Sebebi toı toılaýǵa haqymyz joq. Onyń ústine halyq aýyryp jatqanda qaıdaǵy toı", - dedi Roza Rymbaeva.

Batys jurtymen quda bolǵan ánshi kelin-balasymen birge turmaımyn dep sheshken. Tuńǵyshyna enshisin berip, bólek shyǵarmaq nıette.

"Álı men Aqerke bizben birge turmaıdy. Bólek turady, biraq kórshi bolamyz. Bir aýlada turamyz", - dedi Roza Qýanyshqyzy. Kúni keshe Atyraý qalasynda boıjetkenniń uzatý toıy dúrkirep ótti. Ónerdegi áriptesteri men jelidegi oqyrmandaryn eki jasqa baqyt tilep, aq tilegin arnap jatyr.

Derekkóz: stan.kz