زەرتتەۋشٸلەردٸڭ مەلٸمەتٸنشە, Silent Lynx حاكەرلٸك توبى رەسەيدەگٸ مۇناي ٶڭدەۋ زاۋىتىنىڭ جٷيەسٸنە جەنە رەسەي قالالارىنىڭ بٸرٸندەگٸ ەكٸمدٸككە كيبەرشابۋىل جاساعان. Reuters اگەنتتٸگٸ بۇل وقيعانى قازاقستاننىڭ رەسەيگە قارسى كيبەرتىڭشىلىق جٷرگٸزۋٸنٸڭ سيرەك مىسالى رەتٸندە سيپاتتادى, دەپ حابارلايدى dalanews.kz.
Reuters اگەنتتٸگٸنٸڭ زەرتتەۋشٸلەرگە سٸلتەمە جاساپ حابارلاۋىنشا, بيىل Silent Lynx حاكەرلٸك توبى رەسەيدەگٸ مۇناي ٶڭدەۋ زاۋىتىنا شابۋىل جاساپ, رەسەي قالالارىنىڭ بٸرٸندەگٸ ەكٸمدٸكتٸڭ اقپاراتتىق جٷيەسٸن بۇزعان. زەرتتەۋشٸلەر بۇل توپتىڭ قازاقستاندا ورنالاسۋى مٷمكٸن ەكەنٸن ايتادى.
Cisco كومپانيياسىنىڭ زەرتتەۋشٸسٸ چي-ەن شەن مەن Recorded Future كيبەرقاۋٸپسٸزدٸك كومپانيياسىنىڭ مامانى دجۋليان-فەرديناند فوگەلە بٸرلەسٸپ دايىنداعان ەسەپتە حاكەرلٸك توپتىڭ قىزمەتٸ تالدانعان. مامانداردىڭ ايتۋىنشا, Silent Lynx بۇعان دەيٸن ورتالىق ازييا ەلدەرٸندەگٸ مەملەكەتتٸك مەكەمەلەردٸڭ جٷيەلەرٸنە دە شابۋىل جاساعان.
زەرتتەۋشٸلەردٸڭ دەرەگٸنشە, توپ كٶبٸنە نىساناعا باعىتتالعان فيشينگ ەدٸسٸن قولدانادى. حاكەرلەر ماڭىزدى قۇجاتتارعا ۇقسايتىن فايلدار تٸركەلگەن ەلەكتروندى حاتتار جٸبەرەدٸ. ەگەر الۋشى تٸركەمەنٸ اشسا, ونىڭ قۇرىلعىسىنا زيياندى باعدارلاما ورناتىلۋى مٷمكٸن.
دجونس حوپكينس ۋنيۆەرسيتەتٸنٸڭ حالىقارالىق زەرتتەۋلەر جٶنٸندەگٸ جوعارى مەكتەبٸنٸڭ دوكتورانتى ولەگ شاكيروۆتىڭ پٸكٸرٸنشە, بۇل وقيعا كيبەرتىڭشىلىقپەن تەك جەتەكشٸ تەحنولوگييالىق دەرجاۆالار عانا اينالىسپايتىنىن كٶرسەتەدٸ.
«باسقا ەلدەر دە ٶز مٷمكٸندٸكتەرٸن بٸرتٸندەپ ارتتىرىپ كەلەدٸ», – دەدٸ ول Reuters اگەنتتٸگٸنە بەرگەن تٷسٸنٸكتەمەسٸندە.
