ونىڭ اكەسى، تاجىكستان پرەزيدەنتى ءبىر وتىرىس كەزىندە وعان ەلدى قالاي باسقارۋ كەرەكتىگى جونىندە بەس كەڭەس بەردى. ءبىرىنشى كەڭەسى ءارقاشان تالاپشىل بول دەدى. «تاپسىرعان بۇيرىقتارىڭنىڭ ورىندالۋىن قاداعالا. سەن جاسسىڭ، وتە جاسسىڭ. مەن سەنىڭ جاسىڭدا سوۆحوز ديرەكتورى بولعام»، - دەدى ەمومالي راحمون.

ول ءارى قاراي اكىمنىڭ قۇزىرەتى جونىندە ايتتى. «ەشكىم سەنى باسىپ تاستاي المايدى. كىمدى جۇمىسقا الۋ، الماۋ جونىندە بۇيرىق بەرە المايدى. سول ءۇشىن دە مەن سەنى تاعايىندادىم»، - دەپ اتاپ ءوتتى ەمومالي راحمون.

ءۇشىنشى كەڭەسى، حالىق ءۇشىن باعانى تومەندەت دەدى. پرەزيدەنت رۋستام ەموماليدى ازاماتتارعا لايىقتى جۇمىسپەن، قوعامدىق كولىكپەن جانە ەلەكتر جارىعىمەن قامتاماسىز ەت دەدى.

پرەزيدەنتتىڭ ءتورتىنشى كەڭەسى: قاراماعىڭداعى ادامدارمەن دورەكى سويلەمە، ولارمەن مادەنيەتتى تىلدە سويلەس.

سوڭىندا پرەزيدەنت مەرگە بيزنەس وكىلدەرىنىڭ ۇيىندە تۇسكى اس ءىشۋشى بولما دەدى. «مەيرامحاناعا بارما. جۇمىسشىلاردىڭ، قارتتاردىڭ جانە جەسىرلەردىڭ ۇيىندە تاماق ءىش. ولار ساعان داستارحانىنا بارىن قويادى، ءماز بولادى. ولار ءوزىنىڭ ۇيىنە سەنىڭ سەلگەنىڭدى مارتەبە سانايدى»، - دەدى ەمومالي راحمون.