ق ر ۇلتتىق قاۋىپسىزدىك كوميتەتى رەسەيگە قاشىپ، كەيىن سول جاقتان ۋكرايناداعى سوعىسقا اتتانعان قازاقستاندىق سەپاراتيستىڭ ىسىنە قاتىستى پىكىر ءبىلدىردى، دەپ حابارلايدى Dalanews.kz.
Orda.kz اگەنتتىگىنىڭ رەسمي ساۋالىنا جاۋاپ بەرگەن كنب وكىلدەرى قاشقىنعا قاتىستى قىلمىستىق ءىستىڭ بارىن جاناما تۇردە راستادى. الايدا تەرگەۋ قۇپيالىعىنا بايلانىستى ءىستىڭ تولىق ءمان-جايىن اشۋعا بولمايتىنىن ايتتى.
"شەتەلدىك مەملەكەتتەردىڭ جاعىندا اسكەري قاقتىعىستارعا قاتىسقان قازاقستاندىقتارعا قاتىستى قوزعالعان قىلمىستىق ىستەر تۋرالى مالىمەت — تەرگەۋ قۇپياسىنا جاتادى"، — دەپ جاۋاپ بەردى ۇقك.
سوعان قاراماستان، قۇقىق قورعاۋ ورگاندارى قىلمىستىق كودەكستىڭ قانداي باپتارى بويىنشا ءىس قوزعاعانى بەلگىلى. نەگىزگى ايىپ — 172-باپ، ياعني "شەتەل مەملەكەتىنىڭ قارۋلى جانجالدارىنا قاتىسۋ". بۇل باپ بويىنشا كۇدىكتى 5 جىلدان 9 جىلعا دەيىن باس بوستاندىعىنان ايىرىلۋى مۇمكىن.
سونىمەن قاتار 392-باپ — "قازاقستان شەكاراسىن قاساقانا زاڭسىز كەسىپ ءوتۋ" بويىنشا دا جاۋاپقا تارتىلۋى ىقتيمال. بۇل باپ بويىنشا جازا ءبىر جىلعا دەيىنگى مەرزىمدى قامتيدى، ال ەگەر شەكارادان ۇيىمداسقان قىلمىستىق توپپەن بىرگە وتسە، 5 جىلعا دەيىن سوتتالۋى مۇمكىن.
قازىرگى تاڭدا قازاقستاندىق بيلىك قاشقىندى ەكستراديسيالاۋعا ارەكەت جاساي ما، جوق پا — ول جاعى ازىرگە بەلگىسىز.
ايتا كەتەيىك، ءساۋىر ايىندا ەكى قازاقستاندىقتىڭ كومىر تيەلگەن ۆاگونعا جاسىرىنىپ، ەل شەكاراسىن زاڭسىز كەسىپ وتكەنى بەلگىلى بولدى. ولار كۋرگان وبلىسىندا رەسەيلىك شەكاراشىلاردىڭ قولىنا تۇسكەن.
