QR Ulttyq qaýipsizdik komiteti Reseige qashyp, keiin sol jaqtan Ýkrainadaǵy soǵysqa attanǵan qazaqstandyq separatistiń isine qatysty pikir bildirdi, dep habarlaidy Dalanews.kz.
Orda.kz agenttiginiń resmi saýalyna jaýap bergen KNB ókilderi qashqynǵa qatysty qylmystyq istiń baryn janama túrde rastady. Alaida tergeý qupiialyǵyna bailanysty istiń tolyq mán-jaiyn ashýǵa bolmaitynyn aitty.
"Sheteldik memleketterdiń jaǵynda áskeri qaqtyǵystarǵa qatysqan qazaqstandyqtarǵa qatysty qozǵalǵan qylmystyq ister týraly málimet — tergeý qupiiasyna jatady", — dep jaýap berdi UQK.
Soǵan qaramastan, quqyq qorǵaý organdary Qylmystyq kodekstiń qandai baptary boiynsha is qozǵaǵany belgili. Negizgi aiyp — 172-bap, iaǵni "Shetel memleketiniń qarýly janjaldaryna qatysý". Bul bap boiynsha kúdikti 5 jyldan 9 jylǵa deiin bas bostandyǵynan aiyrylýy múmkin.
Sonymen qatar 392-bap — "Qazaqstan shekarasyn qasaqana zańsyz kesip ótý" boiynsha da jaýapqa tartylýy yqtimal. Bul bap boiynsha jaza bir jylǵa deiingi merzimdi qamtidy, al eger shekaradan uiymdasqan qylmystyq toppen birge ótse, 5 jylǵa deiin sottalýy múmkin.
Qazirgi tańda qazaqstandyq bilik qashqyndy ekstraditsiialaýǵa áreket jasai ma, joq pa — ol jaǵy ázirge belgisiz.
Aita keteiik, sáýir aiynda eki qazaqstandyqtyń kómir tielgen vagonǵa jasyrynyp, el shekarasyn zańsyz kesip ótkeni belgili boldy. Olar Kýrgan oblysynda reseilik shekarashylardyń qolyna túsken.
